იტალიაში პირველია, ევროპაში მე-6 - კვარას მაგარი სტატისტიკა
სერია ა-ს მორიგ ტურში ცენტრალური დაპირისპირება გაიმართა. „ნაპოლი“ „ატალანტას“ ესტუმრა და 2:1 დაამარცხა. ამ მნიშვნელოვან გამარჯვებაში თავისი წვლილი ხვიჩა კვარაცხელიამაც შეიტანა, რომელმაც ბერგამოელთა კარში თავური დარტყმით გაიტანა.
მატჩის დასრულების შემდეგ, ავტორიტეტულმა გამოცემა Opta-მ საინტერესო სტატისტიკა შემოგვთავაზა.
ცნობილი გახდა, რომ „კვარა“ სერია ა-ში ბოლო 2 სეზონის განმავლობაში არის ერთადერთი ფეხბურთელი, რომელმაც ყველა ტურნირზე ერთად 18 გოლი გაიტანა და 18 საგოლე გადაცემა შეასრულა. ასეთი შედეგი იტალიაში არავის აქვს.
რაც შეეხება ევროპის მასშტაბით, ხვიჩა მეექვსეა. მასზე უკეთესი შედეგი მხოლოდ მესის, საკას, გრიზმანს, ვინისიუსს და სალაჰს აქვს.
18&18 - Khvicha Kvaratskhelia is the only #SerieA player to have scored at least 18 goals and provided at least 18 assists in all competitions in the last two seasons; 6th in the Big-5 all comps after Messi, Saka, Griezmann, Vinícius jr and Salah. Elected.#AtalantaNapoli pic.twitter.com/jjyyaKBkVS
— OptaPaolo (@OptaPaolo) November 25, 2023
შეგახსენებთ, რომ მიმდინარე სეზონში ქართველმა ფეხბურთელმა „ნაპოლის“ მაისური ყველა ტურნირზე ერთად 16 მატჩში მიიღო მონაწილეობა 4 გოლი გაიტანა და 5 საგოლე გადაცემა შეასრულა.
ხვიჩას ყველა მომენტი „ატალანტასთან“