კარგი ამბავი ბარსას ქომაგთათვის - ლევანდოვსკი და ბერნარდუ სილვა კამპ ნოუზე
ცნობილმა ჟურნალისტებმა, ფაბრიციო რომანომ და ფლორიან პლატენბერგმა „ბარსელონას“ ქომაგთათვის სასიხარულო ინფორმაცია გაავრცელეს. ამ ზაფხულს, „ბლაუგრანა“ სერიოზულად გაძლიერდება და პრაქტიკულად გადაწყვეტილია, რომ რობერტ ლევანდოვსკისა და ბერნარდუ სილვას გადაიბირებს.
Robert Lewandowski deal. Barcelona new official bid set to be submitted, all parties are in direct contact now including his agent Zahavi to reach full agreement. ???????????? #FCB
— Fabrizio Romano (@FabrizioRomano) July 15, 2022
Lewandowski insisted with Bayern in the last 24h to join Barça as soon as possible. Key stages. pic.twitter.com/s8lVBxuPmF
პლატენბერგის ცნობით, ორივე კლუბს სურს, რომ პოლონელის ტრანსფერი ამ უქმეებზე დახუროს. „ლევას“ არ უნდა, „ბაიერნის" წინასასეზონო ტურნეში მონაწილეობა მიიღოს და „ბარსაში“ გადასვლაზეა ორიენტირებული. რომანოს თქმით, კატალონიელები ოფიციალურ წინადადებას უახლოეს საათებში გააკეთებენ. მხარეებს პირდაპირი მოლაპარაკებები აქვთ, რომელშიც ლევანდოვსკის აგენტი, პინი ზაჰავიცაა ჩართული. პოლონელმა მოითხოვა, რომ „ბარსელონაში“ გადასვლის უფლება, რაც შეიძლება, სწრაფად მისცენ.
❗️News #Lewandowski: MOVEMENT in the last hours! Both clubs want to finalize his transfer to Barcelona this weekend. Lewy should not participate in the USA trip. He doesn't want to participate either. @SkySportDE @Sky_Marc ????????
— Florian Plettenberg (@Plettigoal) July 15, 2022
ბერნარდუ სილვას რაც შეეხება, ჟერარდ რომეროს თქმით, „ბარსელონამ“ „მანჩესტერ სიტისთან“ სატრანსფერო თანხა შეათანხმა. კატალონიელები 80 მილიონ ევროზე ნაკლებს გადაიხდიან და ტრანსფერის გაოფიციალურებას უახლოეს პერიოდში უნდა ველოდოთ.
შეგახსენებთ, რომ „ბარსა“, რომელსაც სატრანსფერო ფანჯრის გახსნამდე ფინანსური პრობლემები ჰქონდა, სერიოზულად ძლიერდება. „ბლაუგრანამ“ ლა ლიგის სატელევიზიო უფლებების 10 პროცენტი გაყიდა და შესაძლოა, ეს რიცხვი 25 პროცენტამდე გაიზარდოს.