სტატისტიკა: „ბარსაში“ დებიუტის შემდეგ კუმანს ჩავიზე უკეთესი სტარტი ჰქონდა
კატალონიის „ბარსელონას“ მთავარი მწვრთნელი, ჩავი ერნანდესი კლუბში სასტარტო პერიოდს რონალდ კუმანზე უარესად ატარებს.
გავლენიანმა ესპანურმა სააგენტო Marca-მ „ბარსელონაში“ საწყისი 32 მატჩის შედეგები დაითვალა, სადაც გამოჩნდა, რომ ნიდერლანდელ სპეციალისტს ჩავიზე უკეთესი მაჩვენებელი ჰქონდა.
პირველ 32 მატჩში ჩავიმ 17 შეხვედრა მოიგო, 8-ჯერ ფრედ ითამაშა, 7 შემთხვევაში კი დამარცხა.
კუმანის შედეგი საწყის 32 მატჩში კი ასეთია: 21 გამარჯვება, 5 ფრე, 6 წაგება.
???? Y tras 32 partidos entrenando al Barça... Xavi empeora los números de Koeman pic.twitter.com/9SS3B3y8Zx
— MARCA (@marca) April 25, 2022
შეგახსენებთ, რომ „ბარსელონა“ ესპანეთის ლა ლიგის 21-ე ტურის გადადებულ მატჩში საკუთარ მოედანზე „რაიო ვალეკანოსთან“ 0:1 დამარცხდა. საგულისხმოა, რომ ისტორიის განმავლობაში „ბლაუგრანამ“ „კამპ ნოუზე“ ზედიზედ 3 მატჩი პირველად წააგო. „რაიო ვალეკანომდე“ ჩავის გუნდი ჯერ კადისთან ასევე 0:1 დამარცხდა, მანამდე კი ევროპა ლიგის მეოთხედფინალში „აინტრახტთან“ მატჩი 2:3 დათმო.
