გურამ გიორბელიძე: "მიზანს მივაღწიე, თუმცა ყველაფერი ახლა იწყება"
საქართველოს ეროვნული საფეხბურთო ნაკრები 25 მარტს მსოფლიოს 2022 წლის ჩემპიონატის სკავალიფიკაციო ეტაპს იწყებს. წლის სადებიუტო შეხვედრას ქართველი ფეხბურთელები სტუმრად შვედეთში გამართავენ, სადაც ახალი მთავარი მწვრთნელის - ვილი სანიოლის დებიუტი შედგება.
ეროვნული ნაკრების შემადგენლობაში რამდენიმე დებიუტანტია. მათ შორისაა ავსტრიული ვოლფსბერგის მარცხენა მცველი გურამ გიორბელიძე.
“ეროვნულ ნაკრებში მოხვედრა ჩემი კარიერის ერთ-ერთი მთავარი მიზანი იყო, გამიხარდა რომ ამ მიზანს მივაღწიე, თუმცა ყველაფერი ახლა იწყება", - გურამ გიორბელიძე
შვედეთის შემდეგ საქართველოს ნაკრები თბილისში, 28 მარტს, ესპანეთის ნაკრებს უმასპინძლებს, საკვალიფიკაციო ეტაპის მესამე ტურში, 31 მარტს კი სტუმრად საბერძნეთს დაუპირისპირდება.
