ყველა დროის TOP 10 მატჩი პრემიერლიგაში

სიახლე 29.10.2019
A+ A- 18:34

ჩელსი 2-2 ტოტენჰემი - 02/05/2016

„ჩვენ არ გვინდა, რომ „ტოტენჰემმა“ პრემიერლიგა მოიგოს. ასე სურს გუნდის ქომაგებს, ფეხბურთელებსა და თავად კლუბსაც“, - ეს სიტყვები ედენ აზარს ეკუთვნის. განცხადება კი ბელგიელმა მატჩამდე 1 კვირით ადრე გააკეთა.

ლონდონური დერბი ფრედ 2-2 დასრულდა და ხსენებულმა მატჩმა „ლესტერის“ ჩემპიონობა გადაწყვიტა.

„დეზებმა“ პირველი ტაიმი ბრწყინვალედ ჩაატარეს. კეინისა და სონის გოლებით 2-0-საც იგებდნენ და ერთი შეხედვით მათთვის ავის მომასწავებელი არაფერი ხდებოდა.

მეორე ტაიმი „ჩელსიმ“ აქტიურად დაიწყო. 57-ე წუთზე ვილიანის კუთხურის შემდეგ გარი კეჰილმა სხვაობა მინიმუმამდე შეამცირა.

ამის შემდეგ, პოჩეტინოს გუნდს მატჩის ბედის გადაწყვეტა შეეძლო. სტუმრებმა რამდენიმე მომენტი ვერ გამოიყენეს. საბოლოოდ, ყველაფერი 83-ე წუთზე დასრულდა.

აზარმა დიეგო კოშტასთან ორსვლიანი კომბინაცია გაითამაშა. ესპანელი ფორვარდი „ტოტენჰემის“ საჯარიმოსკენ დაიძრა, მას ბელგიელი წამოეწია, კოშტამ ბურთი დაუბრუნა, აზარმა კი ერთი შეხებით ულამაზესი გოლი შეაგდო.

ლორისს შანსიც არ ჰქონია. ეს იყო იდეალური დარტყმა.

ამ დაკარგული 2 ქულის შემდეგ, „ტოტენჰემი“ საჩემპიონო ბრძოლას გამოეთიშა, ყველაფერი კი „მელიების“ ტრიუმფით დასრულდა.


 

ნიუკასლი 5-0 მანჩესტერ იუნაიტედი -20/10/1996

„იუნაიტედის“ გულშემატკივრებისთვის ნებისმიერი მარცხი მტკივნეულია, თუმცა 1996 წელს „ნიუკასლთან“ სტუმრად განადგურება ერთ-ერთი ყველაზე მტკივნეული გახლავთ.

„კაჭკაჭები“ შეუდარებლად მოქმედებდნენ და „წითელ ეშმაკებს“ უბრალოდ გადაუარეს.

ანგარიში კუთხურის შემდეგ დარენ პიკოკმა გახსნა, რის შემდეგაც „სენტ ჯეიმს პარკზე“ სპექტაკლი დაიწყო.

მეორე გოლის ავტორი დევიდ ჟინოლა გახდა, რომელმაც პიტერ შმეიხელს შანსი არ დაუტოვა. ფრანგმა ბურთი საჯარიმოს მარცხენა კუთხესთან მიიღო, მობრუნებასთან ერთად შორეულ ცხრიანში გაისროლა და უკვე ფაქტი იყო, რომ „მანკუნიანელებისთვის“ ამ შეხვედრაში კარგი არაფერი მოხდებოდა.

მესამე გოლის ავტორი ლეს ფერდინანდი გახდა, რომელმაც ალან შირერის ჩაწოდებულზე ყველას დაასწრო და თავური დარტყმით შეაგდო.

მეოთხე ბურთი შმეიხელის სინდისზეა. დანიელი გოლიკიპერი დარტყმულს ცუდად გაუმკლავდა და ბურთი ცხვირწინ მოიგერია, დამატებაზე ფერდინანდს კი აუღო, თუმცა მეორე ცდაზე ალან შირერი ზუსტი იყო - 4-0.

ბოლო გოლი ნამდვილი შედევრი გახლდათ. უკანახაზელმა ფილიპ ალბერტმა 25 მეტრიდან შმეიხელს ბურთი თავზე გადაუგდო, რამაც ტრიბუნები ოვაციებისგან ლამის დაანგრია.

შეხვედრის შემდეგ „ნიუკასლის“ მწვრთნელმა კევინ კიგანმა განაცხადა: „ეჭვგარეშეა, რომ ჩემს ცხოვრებაში, მას შემდეგ რაც მწვრთნელი ვარ, ეს დღე საუკეთესოა“.

 

ლესტერი 3-3 არსენალი - 27/08/1997

ლონდონის „არსენალი“ „ლესტერს“ ესტუმრა და ტრიბუნებზე მყოფმა გულშემატკივრებმა დაუვიწყარი მატჩი იხილეს.

ეს იყო ნამდვილი ფეხბურთი, რომელიც ისტორიაში სამუდამოდ შევიდა. მატჩის მთავარი მოქმედი პირი შეუდარებელი დენის ბერგკამპი გალხდათ, რომელმაც ჰეთ-თრიკის შესრულება შეძლო.

ჰოლანდიელი დირიჟორის გოლები ხელოვნების ნიმუშთა კატეგორიას მიეკუთვნებოდა.

„მეთოფებიი“ 2:0-ს იგებდნენ. ბერგკამპის პირველი გოლი საოცარი იყო. ჰოლანდიელმა მარჯვენა ფეხით საჯარიმოს მისადგომებიდან მეკარეს შორეულ ცხრიანში ჩაუსვა.

„მელიების“ მხრიდან ანგარიში ემილ ჰესკიმ შეამცირა. 90-ე წუთზე კი მეტ ელიოტმა წონასწორობა აღადგინა. ემოციებში მყოფ გულშემატკივრებს ალბათ ეგონათ, რომ ეს მატჩის ბოლო გოლი იყო...

დამატებულ დროში კიდევ ორი გოლი ვიხილეთ. დენის ბერგკამპმა პრემიერლიგის ისტორიაში ერთ-ერთი ყველაზე დასამახსოვრებელი ეპიზოდი შექმნა. ამ გოლს სიტყვებით ვერ აღწერ, ის უბრალოდ უნდა ნახო...

მიუხედავად ბერგკამპის საოცარი თამაშისა „ლესტერმა“ მატჩი მაინც არ წააგო. მასპინძლებმა ქულა გადაარჩინეს და ეს სტივ უოლშის თავურის შემდეგ მოახერხეს - 3-3.

 

ნიუკასლი 4-4 არსენალი - 05/02/2011

მატჩი, რომელიც ამტკიცებს რომ ყველაფერი შესაძლებელია! ფეხბურთი საოცარი თამაშია და 2011 წელს „სენტ ჯეიმს პარკზე“ გამართული დაპირისპირება პრემიერლიგის ისტორიაში ერთ-ერთ მოწინავე ადგილს იკავებს.

„არსენალმა“ პირველი ტაიმი 4:0 მოიგო და ბუნებრივია ყველას ყველაფერი დასრულებული ეგონა. უოლკოტმა, ჯურუმ და ვან პერსიმ (2) „კაჭკაჭებს“ გადაუარეს.

მეორე ტაიმი აბუ დიაბის გაძევებით დაიწყო, რომელიც ჯოი ბარტონის დახრჩობას ცდილობდა.

ამ მომენტის შემდეგ, „ნიუკასლმა“ გაიღვიძა და მომენტების შექმნა დაიწყო. ის ქომაგები რომლებიც პირველი ტაიმის შემდეგ ტრიბუნებს ტოვებდნენ, ფეხბურთის ისტორიაში ყველაზე უიღბლოები გამოდგნენ.

ბარტონმა ორივე პენალტი ზუსტად შეასრულა. თავისი გოლი ლეონ ბესტმაც შეაგდო, რომელსაც სხვათაშორის რამდენიმე წუთით ადრე მსაჯმა 100%-იანი გოლი გაუუქმა.

„არსენალის“ დაცვაში სრული პანიკა სუფევდა. 87-ე წუთზე საჯარიმოდან მოგერიებულ ბურთს შეიხ ტიოტემ მიწაზე დაუშვებლად დაარტყა და ამ საოცარ მატჩს წერტილი საოცარი გასროლით დაუსვა!

„ნიუკასლმა“ 4 ბურთიანი ჩამორჩენა აღმოფხვრა და ისტორია დაწერა.

 

ასტონ ვილა 1-2 მანჩესტერ იუნაიტედი - 23/08/1993

დაუვიწყარი საღამო ბირმინჰემში. „ასტონ ვილას“ მოქმედი ჩემპიონი ესტუმრა.

ვინც ეს მატჩი იხილა, ყველა ამბობს რომ ტემპი იყო გასაოცარი. ფეხბურთელებმა 90 წუთი შეუჩერებლად ირბინეს და არანორმალურ სიჩქარეებზე მოქმედებდნენ.

„ასტონ ვილამ“ ფერგის მრისხანე „მანჩესტერს“ მედგარი წინააღმდეგობა გაუწია, თუმცა მაინც დამარცხდა.

მე-17 წუთზე ანგარიში ლი შარპმა გახსნა, რომელსაც საგოლე გადაცემა პოლ ინსმა გაუკეთა.

ტაიმის მიწურულს, 44-ე წუთზე მასპინძელთა ფორვარდმა დელიან ატკინსონმა თავისი ბრწყინვალე სისწრაფის წყალობით მარცხენა ფლანგიდან გარღვევა განახორციელა და შმეიხელს დაფარულ კუთხეში უძლიერესი დარტყმით გაუტანა.

74-ე წუთზე ინსმა შარპი დასარტყმელ პოზიციაზე კვლავ დატოვა, რაც „ვილას“ კარში მეორე გოლით დასრულდა. პოლ ინსის გადაცემა უზადო იყო.

„იუნაიტედმა“ ხსენებული სეზონი წინის მსგავსად ტრიუმფით დაასრულა და ჩემპიონობა იზეიმა.

 

უიგანი 3-2 ვესტ ჰემი -  15/05/2011

პრემიერლიგის გასავარდნ ზონაში საოცარი ბრძოლა მიმდინარეობდა. „უიგანს“ ბოლო 2 შეხვედრაში მხოლოდ 6 ქულა თუ გადაარჩენდა.

ბოლოს წინა ტურში „უიგანს“ „ვესტ ჰემი“ ესტუმრა, რომელიც ასევე პრემიერლიგაში ადგილის შესანარჩუნებლად იბრძოდა.

„ჩაქუჩებმა“ პირველი ტაიმი შესანიშნავად ჩაატარეს და დემბა ბას დუბლით 2:0-იც მოიგეს, თუმცა მეორე ნახევარში სიტუაცია რადიკალურად შეიცვალა.

„უიგანმა“ გადარჩენისთვის თავგანწირვით იბრძოლა. 57-ე წუთზე ნზოგბიამ ერთი ბურთი გაქვითა, 68-ეზე სამონმა ანგარიში გაათანაბრა, თუმცა ამის შემდეგ მოედანზე ბევრი არაფერი იცვლებოდა.

მსაჯის მიერ დამატებულ 94-ე წუთზე ნზოგბიამ ბურთი მარჯვენა ფლანგზე მიიღო და საჯარიმოსკენ დაიძრა. მცველს ცრუმოძრაობით თავგზა აუბნია საჯარიმოში შეიჭრა და მარცხენა ფეხით დაარტყა... მეკარემ ბურთი ხეირიანად ვერ მოიგერია, ხელებში გაუძვრა და ბადეში შევარდა.

ამის შემდეგ ტრიბუნებზე რაც მოხდა უბრალოდ ენით აღუწერელია, ეს თავად უნდა ნახოთ.

მატჩი დასრულდა, „უიგანი“ პრემიერლიგაში დარჩა, „ვესტ ჰემი“ კი ჩემპიონშიფში დაქვეითდა.

 

ტოტენჰემი 3-5 მანჩესტერ იუნაიტედი - 01/10/2001

სერ ალექს ფერგიუსონის მდიდარი ისტორიიდან 2001 წელს „უაით ჰართ ლეინზე“ გამართული მატჩი ერთ-ერთი გამორჩეულია.

„იუნაიტედი“ პირველ ტაიმში „ტოტენჰემთან“ 0:3 მარცხდებოდა. დინ რიჩარდსის, ლეს ფერდინანდისა და კრისტიან ციგეს გოლებმა თითქოს შეხვედრის ბედი გადაწყვიტა, მაგრამ მეორე ნახევარში „მანკუნიანელებმა“ ისტორია დაწერეს.

არავინ იცის რა უთხრა ფერგიმ ბიჭებს გასახდელში შესვენებისას, მაგრამ ფაქტია ამან გაჭრა და თან როგორ. ყველაფერი ენდი კოულის გოლით დაიწყო. ბექჰემმა ნევილს ფლანგზე გააყოლა, ამ უკანასკნელმა საჯარიმოში ჩაჰკიდა, სადაც ყველას ენდი კოულმა აჯობა.

შემდეგ იყო მიჯრით 2 კუთხური. „ბექზიმ“ ჩააწოდა, ბლანმა იბრძოლა და კვლავ კუთხური დაინიშნა. „ბექზიმ“ ისევ ჩააწოდა და ამჯერად ლორან ბლანმა ყველას დაასწრო - 2:3!

მალევე „მანჩესტერმა“ წონასწორობა აღადგინა. მორიგი ჩაწოდება საჯარიმოში და ამჯერად რუდ ვან ნისტელროი ყველაზე მაღლა ხტება - თავური დარტყმა და ანგარიში თანაბარია.

76-ე წუთზე ფსიქოლოგიური უპირატესობის მოპოვების შემდეგ „იუნაიტედმა“ მეოთხეც გაიტანა. მარცხენა ფლანგიდან საჯარიმოში შეჭრილმა ხუან სებასტიან ვერონმა ცაციათი შორეულ დაბალ კუთხეში შეაგდო - 4:3!

ყველაფერს წერტილი დევიდ ბექჰემმა დაუსვა. 87-ე წუთზე ოლე გუნარ სულშერმა მარცხენა ფრთიდან ცრუმოძრაობით მეტოქე ჩამოიშორა და საჯარიმოსკენ ჭკვიანური გადაცემა გააკეთა. როდესაც ყველა საჯარიმოში ჩაგდებას ელოდა, ნორვეგიელმა რამდენიმე მეტრით უკან მდგომი ბექჰემი შენიშნა და მას გადააწოდა. დაცვა იმდენად უყურადღებოდ იყო, რომ „ბექზის“ ბურთის კარგად დამუშავების დრო მიეცა, რის შემდეგაც თავისი ოქროს მარჯვენათი უზუსტესად გაისროლა და ტაბლოზე საბოლოო ანგარიში დააფიქსირა.

 

ლივერპული 4-3 ნიუკასლი - 03/04/1996

მას შემდეგ, რაც პრემიერლიგა დღევანდელი ფორმატით დაარსდა, „ენფილდზე“ გამართული ხსენებული მატჩი ისტორიაში ერთ-ერთ საუკეთესოდ ითვლება.

ორივე გუნდი ჩემპიონობისთვის იბრძოდა, თუმცა „ნიუკასლს“ უკეთესი შანსი ჰქონდა, რადგან გამარჯვების შემთხვევაში ისინი ლიდერ „მანჩესტერ იუნაიტედს“ ქულებით უთანაბრდებოდნენ.

შეხვედრა მაღალ ტემპში დაწყო. „ლივერპული“ გუნდის ლიდერმა რობი ფაულერმა თავური დარტყმით დააწინაურა, თუმცა სიხარული ნაადრევი აღმოჩნდა და „კაჭკაჭებმა“ ლეს ფერდინანდისა და დავიდ ჟინოლას გოლებით „ქამბექის“ დადება შეძლეს.

მეორე ტაიმში ნამდვილი თრილერი შედგა. 57-ე წუთზე რობი ფაულერმა დუბლი გაიფორმა და „მერსისაიდელები“ თამაშში დააბრუნა, თუმცა ორი წუთის შემდეგ ფაუსტინიო ასპირილიამ „ენფილდი“ დაადუმა. „ნიუკასლი“ კვლავ წინ გავიდა - 2:3.

67-ე წუთზე ჯეისონ მაკეტირმა მარჯვენა ფლანგიდან ბრწყინვალე გადაცემა შეასრულა და მარცხენა ძელთან დასწრებაზე სტენ კოლიმორმა ანგარიშის გათანაბრება შეძლო.

ამის შემდეგ თამაში ცოტათი ჩაიკეტა, წაგება არცერთს არ აწყობდა, თუმცა მოგებაც უნდოდათ.

საბოლოოდ, 92-ე წუთზე ჯონ ბარნსმა საჯარიმოში კოლიმორი მოძებნა, რომელმაც მარცხენა ფეხით დაფარულ კუთხეში უძლიერესად დაარტყა და „ენფილდი“ კიდევ ერთხელ გააგიჟა - 4:3.

ეს იყო დაუვიწყარი მატჩი, რომლის შემდეგაც „ნიუკასლის“ თავკაცმა კევინ კიგანმა განაცხადა: „დიახ, მე იმედგაცრუებული უნდა ვიყო, მაგრამ აღტაცებული ვარ“.

 

არსენალი 3-2 მანჩესტერ იუნაიტედი - 09/11/1997

97-98 წლების სეზონი „მეთოფეებმა“ კარგად დაიწყეს. მათ საწყისი 13 ტურიდან მხოლოდ 1 დათმეს, თუმცა „არსენალისთვის“ ყველაზე დიდი გამოცდა მოქმედი ჩემპიონის „მანჩესტერ იუნაიტედის“ „ჰაიბერიზე“ სტუმრობა იყო.

ნამდვილი კლასიკა - „მეთოფეები“ „წითელი ეშმაკების“ წინააღმდეგ. მატჩი მე-8 წუთზე ახალგაზრდა ნიკოლა ანელკას გოლით დაიწყო.

27-ე წუთზე კი პატრიკ ვიეირამ საჯარიმოს მისადგომებიდან, არც ისე კომფორტულ პოზიციაში საოცარი დარტყმა შეასრულა და ბურთი შორეულ ცხრიანში ჩასვა.

33-ე და 41-ე წუთებზე ტედი შერინგემმა დუბლი გაიფორმა. განსაკუთრებული სილამაზის იყო მეორე ბურთი, როდესაც რაიან გიგზმა მას ქუსლით დაუგდო და ინგლისელმაც ერთი შეხებით დაარტყა.

მეორე ტაიმში მხოლოდ ერთი ბურთი გავიდა, რომელმაც სამი ქულის ბედი გადაწყვიტა. კუთხურის შემდეგ მეორე სართულზე ბრძოლა დევიდ პლატმა მოიგო და ბრწყინვალე დარტყმით ბურთი პირდაპირ ცხრიანში მოათავსა.

სეზონი „არსენალის“ ტრიუმფით დასრულდა და არსენ ვენგერის ეპოქაში გუნდმა პრემიერლიგა პირველად მოიგო.

 

მანჩესტერ სიტი 3-2 ქპრ - 13/05/2012

ვინც ეს მატჩი ცოცხლად იხილა, მათ უბრალოდ ძალიან გაუმართლათ.

„სიტი“ ნანატრ ჩემპიონობას გეგმავდა და მათ საამისოდ საკუთარ კედლებში მხოლოდ ქპრ-ს დამარცხება სჭირდებოდათ, რომელსაც „ქალაქელთა“ ყოფილი თავკაცი მარკ ჰიუზი ხელმძღვანელობდა.

თავის მხრივ „ქუინზ პარკ რეინჯერსიც“ მოტივირებული იყო, რადგან მათ პრემიერლიგიდან გავარდნა ემუქრებოდათ. პარალელურად „ბოლტონი“ „სტოკს“ სტუმრობდა და გამარჯვების შემთხვევაში უძლიერესთა შორის ადგილს ისინი დაიკავებდნენ.

პირველი ტაიმი „სიტიმ“ პაბლო საბალეტას გოლით მოიგო. მეორე ნახევარი კი რობერტო მანჩინის გუნდისთვის კოშმარულად დაიწყო. 48-ე წუთზე ჯიბრილ სისემ ანგარიში გაათანაბრა, 66-ეზე კი ჯეიმი მაკიმ ქპრ წინ გაიყვანა.

პარალელურად თავის შეხვედრას იგებდა „მანჩესტერ იუნაიტედი“, რომელიც მოვლენათა ასეთი განვითარების შემთხვევაში ჩემპიონი ხდებოდა.

საინტერესოდ განვითარდა მოვლენები სტოკში „ბრიტანია სთეიდიუმზე“, სადაც ფრე ფიქსირდებოდა. „ბოლტონი“ ვერ იგებდა, ქპრ-მ კი თამაში ანგარიშის შენარჩუნებაზე დაიწყო.

მსაჯმა თამაშს 5 წუთი დაამატა. 92-ე წუთზე დავიდ სილვას გადაცემის შემდეგ ედინ ჯეკომ ანგარიში გაათანაბრა. მთელი სტადიონი ფეხზე წამოდგა და სასწაულის მოლოდინში იყო.

94-ე წუთზე საფეხბურთო ისტორიაში ერთ-ერთი ყველაზე მაგარი რამ მოხდა.

მარიო ბალოტელიმ რთულ სიტუაციაში მოახერხა და ბურთი საჯარიმოში მყოფ აგუეროს გააყოლა, „კუნმა“ მიიღო და დაფარული კუთხისკენ გაისროლა!

ამის შემდეგ. რაც მოხდა ეს უკვე ისტორიის ნაწილია... „ეტიჰად სთეიდიუმმა“ ზღაპარი იხილა, რომელიც რეალობად იქცა!

 

ფიორენტინა - 1998/99 1998 წელს ფლორენციის „ფიორენტინას“ თავკაცის პოსტზე ჯოვანი ტრაპატონი დაინიშნა, რომელიც „იების“ 30 წლიანი ლ...

1 - რადამელ ფალკაო VS ამერიკა კალი, 2012 წელი შესაძლოა ფალკაომ „ოლდ ტრაფორზე“ და „სტემფორდ ბრიჯზე“ ასპარეზობისას განსაკუთრებულ...

ფეხბურთი ლამაზი და დიდებული თამაშია, რომელიც მილიონობით ადამიანს აერთიანებს, თუმცა წარსულში იყო კატასტროფები, რომლებიც ბუნებრივმა პირობებმა, თუ განზრა...

კრიშტიანუ რონალდუ თანამედროვე ფეხბურთის ნამდვილი სახეა. პორტუგალიელმა ყველას დაანახა, რომ სათანადო ფიზმომზადებითა და მონდომებით 34 წლის ასაკშიც კი უმა...

რონალდო დე ასის მორეირა - იგივე რონალდინიო "გაუჩო". ადამიანი, რომელიც ფეხბურთს ყველაზე ლამაზად თამაშობდა. პორტუ ალეგრელმა მომღიმარმა ბიჭმა ფეხბურთის უ...

ფეხბურთის ისტორია უამრავ დაუვიწყარ მატჩსა და გოლს ინახავს, თუმცა ფეხბურთი მხოლოდ ეს არ არის. ლეგენდარულმა სპორტსმენებმა წარუშლელი კვალი მოედანს მიღმაც...

2011 წელს მადრიდის „ატლეტიკო“ თავიდან დაიბადა - გუნდი სრულად გარდაიქმნა. საშუალოზე მაღალი დონის, გახსნილი ფეხბურთის მოთამაშე და სუსტი დაცვ...

საქართველოს ნაკრებმა ევროპის ჩემპიონატის საკვალიფიკაციო ეტაპზე ფიფა-ს რეიტინგში მე-13 ადგილოსან დანიას უმასპინძლა და ბევრისთვის მოულოდნელად არ დამარცხ...

ფილიპ კოკუ „პსვ“-ს ყოფილ დამრიგებელს ევროპის ყველაზე პრესტიჟულ ტურნირზე 79 შეხვედრა აქვს ჩატარებული. თავდაპირველად იგი ჰოლანდიური გრა...

ქართულ ფეხბურთს კიდევ ერთი კარგი ადამიანი დააკლდა. საჩხერის „ჩიხურას“ ვეტერანი ფეხბურთელი და ამჟამად სკოლის 15-წლამდელთა გუნდის მთავარი მწ...

საქართველოს ეროვნული საფეხბურთო ნაკრები ევრო 2020-ის საკვალიფიკაციო ეტაპის ბოლო მატჩისთვის ემზადება. ვლადიმირ ვაისი გუნდი პარასკევს, 15 ნოემბერს (23:4...

საქართველოს 17-წლამდე ნაკრებმა ევროშესარჩევი ჯგუფის პირველი მატჩი ჩაატარა. პორტუგალიაში მიმდინარე ტურნირზე გიორგი ჩიტაურის გუნდის პირველი მეტოქე უკრაი...

70 წლის ლეგენდარული ფრანგი სპეციალისტი არსენ ვენგერი სავარაუდოდ სამწვრთნელო კარიერას აღარ დაუბრუნდება. რამდენიმე წუთის წინ ცნობილი გახდა, რომ ის ფიფაშ...

„მანჩესტერ სიტის“ პორტუგალიელი შემტევი ბერნარდო სოციალურ ქსელში ხუმრობის გამო დასაჯეს. სილვა twitter-ში თანაგუნდელ ბენჟამინ მენდის ეხუმრა,...

კოლუმბიის ნაკრების ყოფილმა თავდამსხმელმა, ფაუსტინო ასპრილიამ TelePacifico-ს მიერ მომზადებულ დოკუმენტურ ფილმში საინტერესო განცხადება გააკეთა და აღ...

ლონდონის „ჩელსის“ ლეგენდარულ ფეხბურთელს და „ლურჯების“ ამჟამინდელ მთავარ მწვრთნელს, ფრენკ ლამპარდს თავის გუნდში მკაცრი დისციპლი...

ინგლისური და გერმანული პრესა სენსაციურ ინფორმაციას ავრცელებს, რომლის თანახმადაც შესაძლოა პეპ გვარდიოლა ზაფხულში მიუნხენის „ბაიერნში“ დაბრუ...

შვეიცარიისა და საქართველოს ნაკრებთა შეხვედრას ჰოლანდიელ მსაჯთა ბრიგადა მოემსახურება. მთავარი არბიტრი დენი მაკელი იქნება, რომელსაც მარიო დიკსი და ჰესელ...

რამდენიმე გავლენიანი ევროპული გამოცემის ინფორმაციით, ყატარელი ინვესტორები საფეხბურთო კლუბ „ნაპოლის“ შესაძენად 560 მილიონ ევროს იხდიან. როგ...

მონაკომ „ოქროს ფეხის“ 2019 წლის გამარჯვებულის დაჯილდოების ცერემონიას უმასპინძლა. ხმათა უმრავლესობით, ჯილდო „რეალის“ ვარსკვლავ ...

კატალონიის „ბარსელონასა“ და „ატლეტიკოს“ ყოფილმა თავდამსხმელმა, დავიდ ვილამ დიდი ფეხბურთიდან წასვლა გადაწყვიტა. 37 წლის ესპანელ...

კატალონიის „ბარსელონას“ ხორვატმა ფეხბურთელმა, ივან რაკიტიჩმა გუნდში შექმნილი სიტუაციის შესახებ საჯაროდ ისაუბრა. 31 წლის ფეხბურთელი წუხს იმ...

მადრიდის „რეალი“ სარეკორდო ტრანსფერის გაჩარხვას გეგმავს. „სამეფო კლუბი“ მეგა-წინადადებას ამზადებს და პსჟ-ს სუპერვარსკვლავის, კ...

საქართველოს ქალ ფეხბურთელთა ნაკრებმა ევროპის ჩემპიონატის შესარჩევ ციკლში მძიმე მარცხი განიცადა. დანიის ნაკრებმა საქართველო 14:0 გაანადგურა. ლევან ბაჯე...

არგენტინული საფეხბურთო კლუბის, ''ესტუდიანტესის'' სტადიონის რეკონსტრუქცია დასრულდა. 2005 წლის შემდეგ კლუბმა საშინაო არენაზე პირველი მატჩი ჩაატარა. ხორხ...

საქართველოს ახალგაზრდული ნაკრების მთავარ მწვრთნელს, გია ცეცაძეს საფრანგეთთან და სლოვაკეთთან შეხვედრებში ლევან ხარაბაძის გამოყენების შესაძლებლობა არ ექ...

კატალონიის „ბარსელონას“ ფეხბურთელი, ლიონელ მესი დიდი ხანია საჯარიმო დარტყმებს ფენომენალურად ასრულებს. არგენტინელმა სუპერვარსკვლავმა &bdquo...

რეკომენდებული სიახლეები
„კიუშუ ბაშოზე“ მე-4 დღის ორთაბრძოლები შედგა. ქართველი რიკიში ტოჩინოშინი მე-3 მაეგაშირა ტაკარაფუჯის დაუპირისპირდა და კუბიჰინერის ილეთით დაა...
13.11.2019
ძალიან სამწუხარო ამბავი... ლევან გორგაძემ „კიუშუ ბაშოს“ მე-4 დღეს ტაკარაფუჯის დამარცხების შემდეგ ნეკნი მოიტეხა და ტურნირს ემშვიდობება. ეს ...
13.11.2019
„კიუშუ ბაშოს“ მეოთხე დღეს ქართველი სეკიტორი, ლევან გორგაძე მე-3 მაეგაშირა ტაკარაფუჯის დაუპირისპირდა და უმნიშვნელოვანესი გამარჯვება მოიპოვა...
13.11.2019
ქართულ ფეხბურთს კიდევ ერთი კარგი ადამიანი დააკლდა. საჩხერის „ჩიხურას“ ვეტერანი ფეხბურთელი და ამჟამად სკოლის 15-წლამდელთა გუნდის მთავარი მწ...
13.11.2019
10 დღის წინ, UFC 244-ზე ნეიტ დიაზსა და ხორხე მასვიდალს შორის გამართულ ბრძოლას უდიდესი მოლოდინი ჰქონდა, თუმცა ქომაგებს იმედები გაუცრუვდათ და ის ვერ იხი...
13.11.2019
ინგლისური და გერმანული პრესა სენსაციურ ინფორმაციას ავრცელებს, რომლის თანახმადაც შესაძლოა პეპ გვარდიოლა ზაფხულში მიუნხენის „ბაიერნში“ დაბრუ...
13.11.2019
კოლუმბიის ნაკრების ყოფილმა თავდამსხმელმა, ფაუსტინო ასპრილიამ TelePacifico-ს მიერ მომზადებულ დოკუმენტურ ფილმში საინტერესო განცხადება გააკეთა და აღ...
13.11.2019
სპორტული სიახლეების ვიდეოკოლაჟი CrystalSport-ისგან...
13.11.2019
მადრიდის „რეალი“ სარეკორდო ტრანსფერის გაჩარხვას გეგმავს. „სამეფო კლუბი“ მეგა-წინადადებას ამზადებს და პსჟ-ს სუპერვარსკვლავის, კ...
13.11.2019
ლონდონის „ჩელსის“ ლეგენდარულ ფეხბურთელს და „ლურჯების“ ამჟამინდელ მთავარ მწვრთნელს, ფრენკ ლამპარდს თავის გუნდში მკაცრი დისციპლი...
13.11.2019
კატალონიის „ბარსელონას“ ხორვატმა ფეხბურთელმა, ივან რაკიტიჩმა გუნდში შექმნილი სიტუაციის შესახებ საჯაროდ ისაუბრა. 31 წლის ფეხბურთელი წუხს იმ...
13.11.2019
უკანასკნელი სიახლეები