TOP 11 მომენტი - როდესაც რონალდინიომ ყველა გააოცა

სიახლე 26.10.2019
A+ A- 18:37

რონალდო დე ასის მორეირა - იგივე რონალდინიო "გაუჩო". ადამიანი, რომელიც ფეხბურთს ყველაზე ლამაზად თამაშობდა.

პორტუ ალეგრელმა მომღიმარმა ბიჭმა ფეხბურთის უმდიდრესი ისტორია კიდევ უფრო თვალისმომჭრელი და კაშკაშა გახადა.

დინიომ თავისი კარიერის განმავლობაში უამრავი დაუვიწყარი მომენტი გვაჩუქა, რომელსაც ინტერნეტის საშუალებით დღესაც დიდი სიამოვნებით ვიხსენებთ.

წარმოგიდგენთ "გაუჩოს" კარიერაში 11 მომენტს, როდესაც ბრაზილიელმა ყველას გაოცება შეძლო.

1 – დუნგას გაბითურება, 1999 წელი

რონალდინიო ყოველთვის ცდილობდა, რომ მისი უფროსი ძმის გზას გაყოლოდა და „გრემიოში“ ეთამაშა.

„გაუჩომ“ ეს მოახერხა და 18 წლის ასაკში მისი დებიუტი შედგა. გულშემატკივრებმა ის მალევე შეიყვარეს და ეს, დინიოს საოცარი სათამაშო სტილის დამსახურება იყო.

რონალდინიოს ახალგაზრდული კარიერის კულმინაცია რიო-გრანდეს შტატის ფინალში „ინტერნასიონალის“ წინააღმდეგ შედგა.

ეს იყო „გრემიოს“ ყველაზე მნიშვნელოვანი მეტოქე. „გაუჩომ“ სამმატჩიან სერიაში ორი გოლის გატანა შეძლო და ამავდროულად გამონახა დრო, რომ ლეგენდარული დუნგა გაებითურებინა.

 1994 წლის მსოფლიო ჩემპიონი და ნაკრების კაპიტანი დუნგა, რონალდინიომ ორჯერ ისეთი ცრუმოძრაობით მოატყუა, რომ ეს კადრები ისტორიაში სამუდამოდ დარჩა.

 

„მე ამის უფრო მეტჯერ გაკეთება მინდოდა, მაგრამ ის გაიქცა. ამ მოძრაობებზე ბევრს ვვარჯიშობდი, ისინი დუნგასთვის მქონდა მომზადებული“. განაცხადა რონალდინიომ ხსენებული მატჩიდან 1 წლის შემდეგ.

2 – „ნახეთ რა გააკეთა მან“! 1999 წელი

1999 წელს რონალდინიოს ბრაზილიის ნაკრებში უხმეს. „სელესაო“ კოპა ამერიკისთვის ემზადებოდა. გასახდელში უკვე იყო საუბრები „გაუჩოს“ საოცარი პერფორმანსის შესახებ, რომელიც მან „ინტერნასიონალის“ წინააღმდეგ აჩვენა.

ტურნირზე ბრაზილია ვენესუელას დაუპირისპირდა და რონალდინიომ თავისი ჯადოსნური სიტყვა სანაკრებო დონეზეც თქვა. მან მორიგი შედევრი შექმნა, რომლის დავიწყებაც ქომაგებს ძალიან გაუჭირდებათ.

მატჩის კომენტატორმა გალვაო ბუენომ გოლის დროს ყვირილი დაიწყო: „ნახეთ რა გააკეთა მან, ნახეთ რა გააკეთა მან, ნახეთ რა გააკეთა მან“! ეს ფრაზა დინიოს ამ გოლთან ასოცირდება და ბრაზილიაში დღემდე ყველა ასე იხსენებს.

 

3 – „ის“ გოლი ინგლისის წინააღმდეგ, 2002 წელი

კორეა-იაპონიის სკანდალურ მსოფლიო ჩემპიონატზე საშინელი მსაჯობის გარდა, ყველაზე დასამახსოვრებელი მომენტი ინგლისის კარში რონალდინიოს ზღაპრული ჯარიმა იყო.

ალბათ ეს მომენტი ძალიან ბევრჯერ გაქვთ ნანახი და მის შესახებ უამრავჯერ წაგიკითხავთ კიდეც. ასევეა რონალდინიოც, რომელსაც ჟურნალისტები ამ კითხვას გამუდმებით უსვამენ - დაარტყი, თუ აწვდიდი?

„ეს ჩემთვის ბევრჯერ უკითხავთ, ალბათ ათასზე მეტჯერაც. ჩემი პასუხი მუდამ ერთია: მე კარში დავარტყი“. თქვა „გაუჩომ“ 2012 წელს.

 

4 - რონალდინიოს საოცარი სოლო რეიდი „გინგამის“ წინააღმდეგ, 2003 წელი

პსჟ-ში გადასული „გაუჩო“ ჯადოქრობებს პრაქტიკულად ყველა შეხვედრაში სჩადიოდა. „გინგამთან“ სტუმრად ჩატარებულ შეხვედრაში კი ეს ყველაფერი დაიწყო.

კადრებში კარგად ჩანს, როგორ ცდილობს თინეიჯერი დროგბა დინიოს შეჩერებას, თუმცა მის წაქცევას ვერ ახერხებს.

„ის ბურთთან ერთად ისეთი სწრაფი იყო, ფეხების ყველა ნაწილს იყენებდა, რათა ბურთი წინ წაეღო. როდესაც თქვენ იუთუბზე ყველაზე ლამაზ გოლებს ეძებთ, ამ ვიდეოს ყოველთვის „აგდებს“. ჩემს შვილებს შემიძლია მოვუყვე, რომ ამ დროს მოედანზე მეც ვიმყოფებოდი“. ეს სიტყვები „გინგამის“ იმჟამინდელ ნახევარმცველს კრისტოფ ლე რუს ეკუთვნის.

 

5 - კეთილი იყოს შენი მობრძანება ბარსელონაში, 2003 წელი

რონალდინიოს დებიუტი „ბარსას“ მაისურით „სან მამესზე“ შედგა. კატალონიელებმა ბასკები 1:0 დაამარცხეს, ოთხი დღის შემდეგ კი „კამპ ნოუზე“ „ბარსამ“ „სევილიას“ უმასპინძლა.

„გაუჩომ“ პირველი ოფიციალური საშინაო მატჩი ჩაატარა და თავისი სადებიუტო გოლიც გაიტანა, თან რა გოლი!

ეს იყო შედევრი, რომელსაც ტრიბუნებზე მყოფი გულშემატკივრები ვერასდროს დაივიწყებენ. სამბას ჰანგებმა „კამპ ნოუზე“ კვლავ გაიჟღერეს!

დინიომ ხოსე ლუის მარტის გვერდი აუარა, შემდეგ ფრანცისკო კასკეროც ჩამოიტოვა და გაისროლა! კეთილი იყოს შენი მობრძანება ბარსელონაში!

 

6 - შედევრი „ოსასუნასთან“, 2004 წელი

რონალდინიომ სპექტაკლების დადგმა განაგრძო და მაყურებელი ყოველი მატჩისას აღტაცებაში მოჰყავდა.

პამპლონაში „რეინო დე ნავარაზე“ ბრაზილიელმა ჯადოქარმა კარიერაში ერთ-ერთი საუკეთესო გოლი გაიტანა და მსოფლიო კიდევ ერთხელ აალაპარაკა.

მატჩის შემდეგ, კატალონიელთა მთავარმა მწვრთნელმა ფრანკ რაიკაარდმა რონალდინიოს გოლი ასე შეაფასა: „ეს იყო ულამაზესი, ტექნიკურად იდეალურად შესრულებული“.

 

7 - შედევრი წაცეკვების შემდეგ - გოლი „ჩელსის“ წინააღმდეგ, 2005 წელი

ეს გოლი ბევრისთვის საუკეთესოა. ფეხბურთის ისტორია „გაუჩომ“ კიდევ უფრო გაამდიდრა და „სტემფორდ ბრიჯზე“ განსხვავებული, აქამდე ჯერ არნახული შედევრი შექმნა.

„ჩელსის“ ფეხბურთელები და ვერც მეკარე პეტრ ჩეხი აზრზე ვერ მოვიდა, თუ რა ხდებოდა და რა გააკეთა ბრაზილიელმა იმ მომენტში.

წაიცეკვა და შემდეგ ბუცის წვერით ბურთს რბილად ამოჰკრა... ყველა გაშეშდა - წამის შემდეგ ბურთი ბადეში იყო. მსგავსი შედევრების შექმნა მხოლოდ გენიოსებს შეუძლიათ.

 

8 - გამარჯვება და აპლოდისმენტები „სანტიაგო ბერნაბეუზე“, 2005 წელი

ხანდახან გენიოსები სასტიკად იქცევიან ხოლმე და ისეთ რაღაცებს სჩადიან, რაც 2005 წლის 19 ნოემბერს რონალდინიომ გააკეთა.

ორი საოცარი გოლი, დიდებული დრიბლინგის შემდეგ. უშანსოდ დარჩნილი „რეალის“ უკანახაზელები და აპლოდისმენტები მადრიდული პუბლიკისგან.

ბრაზილიელმა ამ საღამოს უბრალოდ შეუდარებლად ითამაშა და მადრიდელთა მცველებს მისი შეჩერების არანაირი შანსი არ ჰქონიათ.

„რეალის“ ქომაგების რეაქციის შემდეგ, რონალდინიომ მოკლე კომენტარი გააკეთა: „ამას არასდროს დავივიწყებ“.

 

9 - ურთულესი მაკრატელა, 2006 წელი

ეს არ ყოფილა რონალდინიოს კარიერაში პირველი მაკრატელა გოლი, თუმცა ეს იყო შესასრულებლად ურთულესი დარტყმა, რადგან „გაუჩომ“ ეს საყრდენი ფეხით და თან ბრუნის შემდეგ გააკეთა.

ვისაც ფეხბურთი უთამაშია დაგვეთანხმება, რომ მსგავსი შესრულება უდიდეს ძალისხმევასა და ოსტატობას მოითხოვს.

ჩავის გადაცემის შემდეგ, რონალდინიომ ბურთი ისე მიიღო, მისგან ასე უცებ კარში დარტყმას არავინ ელოდა, თუმცა ბრაზილიელმა ჯადოქარმა კიდევ ერთხელ გაგვაოცა.

 

10 - თაობათა ომი, 2011 წელი

რონალდინიო „მილანური“ კარიერის შემდეგ სამშობლოს დაუბრუნდა და „ფლამენგოს“ მაისური მოირგო.

ვეტერანმა ბრაზილიელმა საფეხბურთო სამყარო კიდევ ერთხელ გააოცა და ეს „სანტოსთან“ შეხვედრაში მოხდა.

თაობათა ომი - ასე ეწოდა ამ მატჩს. თინეიჯერი ნეიმარი, ლეგენდარული რონალდინიოს წინააღმდეგ. შეხვედრაში 9 გოლი გავიდა, რომელთაგან 5 მათ ანგარიშზე იყო.

„გაუჩომ“ ჰეთ-თრიკი გაიფორმა და ამ ისტორიული მატჩის მთავარი მოქმედი პირი გახდა. ეს იყო წარმოდგენა, რომელიც ბრაზილიელმა გულშემატკივრებმა იხილეს.

ეს გახლდათ გზაგასაყარი - რონალდინიო ასრულებდა, ნეიმარი კი იწყებდა. მათი გზები გადაიკვეთა და დაიდგა დაუვიწყარი სპექტაკლი.

 

11 - წყლის ბოთლის ფანდი, 2013 წელი

2013 წელს რონალდინიო „ატლეტიკო მინეიროს“ ღირსებას იცავდა. „საო პაულუსთან“ შეხვედრაში ვეტერანმა ბრაზილიელმა გოლი როჟერიო სენის წყლის ბოთლის გამოყენებით შექმნა.

პირველ ტაიმში, როდესაც ანგარიში 0:0 იყო რონალდინიომ აუტის მოწოდების დროს წყლის დალევა გადაწყვიტა და მეტოქის მეკარესთან როჟერიო სენისთან მივიდა, მისი ბოთლიდან წყალი მოსვა, რის შემდეგაც „ატლეტიკო მინეირომ“ აუტი მალევე გაითამაშა, ამ დროს კი „გაუჩო“ მეტოქე გუნდის მცველებზე 13 მეტრით უკან იდგა და საჯარიმოში სრულიად მარტო იყო. ბურთის მიღების მომენტში მისკენ ოთხივე მცველი დაიძრა, რონალდინიომ კართან მდგომ თანაგუნდელს გადააწოდა და ანგარიშიც ასე გაიხსნა.

„ეს საერთოდ არ იგეგმებოდა“, განაცხადა „გაუჩომ“ მატჩის შემდეგ, თუმცა „საო პაულუს“ ქომაგები რა თქმა უნდა სხვა აზრზე იყვნენ.

შენ შესაძლოა ფეხბურთელი ქუჩას მოაშორო, მაგრამ ქუჩას ფეხბურთისგან ვერასდროს მოაშორებ...

 

მოამზადა მამუკა კუკულაძემ

ფიორენტინა - 1998/99 1998 წელს ფლორენციის „ფიორენტინას“ თავკაცის პოსტზე ჯოვანი ტრაპატონი დაინიშნა, რომელიც „იების“ 30 წლიანი ლ...

1 - რადამელ ფალკაო VS ამერიკა კალი, 2012 წელი შესაძლოა ფალკაომ „ოლდ ტრაფორზე“ და „სტემფორდ ბრიჯზე“ ასპარეზობისას განსაკუთრებულ...

ფეხბურთი ლამაზი და დიდებული თამაშია, რომელიც მილიონობით ადამიანს აერთიანებს, თუმცა წარსულში იყო კატასტროფები, რომლებიც ბუნებრივმა პირობებმა, თუ განზრა...

კრიშტიანუ რონალდუ თანამედროვე ფეხბურთის ნამდვილი სახეა. პორტუგალიელმა ყველას დაანახა, რომ სათანადო ფიზმომზადებითა და მონდომებით 34 წლის ასაკშიც კი უმა...

ჩელსი 2-2 ტოტენჰემი - 02/05/2016 „ჩვენ არ გვინდა, რომ „ტოტენჰემმა“ პრემიერლიგა მოიგოს. ასე სურს გუნდის ქომაგებს, ფეხბურთელებსა და თა...

ფეხბურთის ისტორია უამრავ დაუვიწყარ მატჩსა და გოლს ინახავს, თუმცა ფეხბურთი მხოლოდ ეს არ არის. ლეგენდარულმა სპორტსმენებმა წარუშლელი კვალი მოედანს მიღმაც...

2011 წელს მადრიდის „ატლეტიკო“ თავიდან დაიბადა - გუნდი სრულად გარდაიქმნა. საშუალოზე მაღალი დონის, გახსნილი ფეხბურთის მოთამაშე და სუსტი დაცვ...

საქართველოს ნაკრებმა ევროპის ჩემპიონატის საკვალიფიკაციო ეტაპზე ფიფა-ს რეიტინგში მე-13 ადგილოსან დანიას უმასპინძლა და ბევრისთვის მოულოდნელად არ დამარცხ...

ფილიპ კოკუ „პსვ“-ს ყოფილ დამრიგებელს ევროპის ყველაზე პრესტიჟულ ტურნირზე 79 შეხვედრა აქვს ჩატარებული. თავდაპირველად იგი ჰოლანდიური გრა...

ქართულ ფეხბურთს კიდევ ერთი კარგი ადამიანი დააკლდა. საჩხერის „ჩიხურას“ ვეტერანი ფეხბურთელი და ამჟამად სკოლის 15-წლამდელთა გუნდის მთავარი მწ...

საქართველოს ეროვნული საფეხბურთო ნაკრები ევრო 2020-ის საკვალიფიკაციო ეტაპის ბოლო მატჩისთვის ემზადება. ვლადიმირ ვაისი გუნდი პარასკევს, 15 ნოემბერს (23:4...

საქართველოს 17-წლამდე ნაკრებმა ევროშესარჩევი ჯგუფის პირველი მატჩი ჩაატარა. პორტუგალიაში მიმდინარე ტურნირზე გიორგი ჩიტაურის გუნდის პირველი მეტოქე უკრაი...

70 წლის ლეგენდარული ფრანგი სპეციალისტი არსენ ვენგერი სავარაუდოდ სამწვრთნელო კარიერას აღარ დაუბრუნდება. რამდენიმე წუთის წინ ცნობილი გახდა, რომ ის ფიფაშ...

„მანჩესტერ სიტის“ პორტუგალიელი შემტევი ბერნარდო სოციალურ ქსელში ხუმრობის გამო დასაჯეს. სილვა twitter-ში თანაგუნდელ ბენჟამინ მენდის ეხუმრა,...

კოლუმბიის ნაკრების ყოფილმა თავდამსხმელმა, ფაუსტინო ასპრილიამ TelePacifico-ს მიერ მომზადებულ დოკუმენტურ ფილმში საინტერესო განცხადება გააკეთა და აღ...

ლონდონის „ჩელსის“ ლეგენდარულ ფეხბურთელს და „ლურჯების“ ამჟამინდელ მთავარ მწვრთნელს, ფრენკ ლამპარდს თავის გუნდში მკაცრი დისციპლი...

ინგლისური და გერმანული პრესა სენსაციურ ინფორმაციას ავრცელებს, რომლის თანახმადაც შესაძლოა პეპ გვარდიოლა ზაფხულში მიუნხენის „ბაიერნში“ დაბრუ...

შვეიცარიისა და საქართველოს ნაკრებთა შეხვედრას ჰოლანდიელ მსაჯთა ბრიგადა მოემსახურება. მთავარი არბიტრი დენი მაკელი იქნება, რომელსაც მარიო დიკსი და ჰესელ...

რამდენიმე გავლენიანი ევროპული გამოცემის ინფორმაციით, ყატარელი ინვესტორები საფეხბურთო კლუბ „ნაპოლის“ შესაძენად 560 მილიონ ევროს იხდიან. როგ...

მონაკომ „ოქროს ფეხის“ 2019 წლის გამარჯვებულის დაჯილდოების ცერემონიას უმასპინძლა. ხმათა უმრავლესობით, ჯილდო „რეალის“ ვარსკვლავ ...

კატალონიის „ბარსელონასა“ და „ატლეტიკოს“ ყოფილმა თავდამსხმელმა, დავიდ ვილამ დიდი ფეხბურთიდან წასვლა გადაწყვიტა. 37 წლის ესპანელ...

კატალონიის „ბარსელონას“ ხორვატმა ფეხბურთელმა, ივან რაკიტიჩმა გუნდში შექმნილი სიტუაციის შესახებ საჯაროდ ისაუბრა. 31 წლის ფეხბურთელი წუხს იმ...

მადრიდის „რეალი“ სარეკორდო ტრანსფერის გაჩარხვას გეგმავს. „სამეფო კლუბი“ მეგა-წინადადებას ამზადებს და პსჟ-ს სუპერვარსკვლავის, კ...

საქართველოს ქალ ფეხბურთელთა ნაკრებმა ევროპის ჩემპიონატის შესარჩევ ციკლში მძიმე მარცხი განიცადა. დანიის ნაკრებმა საქართველო 14:0 გაანადგურა. ლევან ბაჯე...

არგენტინული საფეხბურთო კლუბის, ''ესტუდიანტესის'' სტადიონის რეკონსტრუქცია დასრულდა. 2005 წლის შემდეგ კლუბმა საშინაო არენაზე პირველი მატჩი ჩაატარა. ხორხ...

საქართველოს ახალგაზრდული ნაკრების მთავარ მწვრთნელს, გია ცეცაძეს საფრანგეთთან და სლოვაკეთთან შეხვედრებში ლევან ხარაბაძის გამოყენების შესაძლებლობა არ ექ...

კატალონიის „ბარსელონას“ ფეხბურთელი, ლიონელ მესი დიდი ხანია საჯარიმო დარტყმებს ფენომენალურად ასრულებს. არგენტინელმა სუპერვარსკვლავმა &bdquo...

რეკომენდებული სიახლეები
„კიუშუ ბაშოზე“ მე-4 დღის ორთაბრძოლები შედგა. ქართველი რიკიში ტოჩინოშინი მე-3 მაეგაშირა ტაკარაფუჯის დაუპირისპირდა და კუბიჰინერის ილეთით დაა...
13.11.2019
ძალიან სამწუხარო ამბავი... ლევან გორგაძემ „კიუშუ ბაშოს“ მე-4 დღეს ტაკარაფუჯის დამარცხების შემდეგ ნეკნი მოიტეხა და ტურნირს ემშვიდობება. ეს ...
13.11.2019
„კიუშუ ბაშოს“ მეოთხე დღეს ქართველი სეკიტორი, ლევან გორგაძე მე-3 მაეგაშირა ტაკარაფუჯის დაუპირისპირდა და უმნიშვნელოვანესი გამარჯვება მოიპოვა...
13.11.2019
ქართულ ფეხბურთს კიდევ ერთი კარგი ადამიანი დააკლდა. საჩხერის „ჩიხურას“ ვეტერანი ფეხბურთელი და ამჟამად სკოლის 15-წლამდელთა გუნდის მთავარი მწ...
13.11.2019
10 დღის წინ, UFC 244-ზე ნეიტ დიაზსა და ხორხე მასვიდალს შორის გამართულ ბრძოლას უდიდესი მოლოდინი ჰქონდა, თუმცა ქომაგებს იმედები გაუცრუვდათ და ის ვერ იხი...
13.11.2019
ინგლისური და გერმანული პრესა სენსაციურ ინფორმაციას ავრცელებს, რომლის თანახმადაც შესაძლოა პეპ გვარდიოლა ზაფხულში მიუნხენის „ბაიერნში“ დაბრუ...
13.11.2019
კოლუმბიის ნაკრების ყოფილმა თავდამსხმელმა, ფაუსტინო ასპრილიამ TelePacifico-ს მიერ მომზადებულ დოკუმენტურ ფილმში საინტერესო განცხადება გააკეთა და აღ...
13.11.2019
სპორტული სიახლეების ვიდეოკოლაჟი CrystalSport-ისგან...
13.11.2019
მადრიდის „რეალი“ სარეკორდო ტრანსფერის გაჩარხვას გეგმავს. „სამეფო კლუბი“ მეგა-წინადადებას ამზადებს და პსჟ-ს სუპერვარსკვლავის, კ...
13.11.2019
ლონდონის „ჩელსის“ ლეგენდარულ ფეხბურთელს და „ლურჯების“ ამჟამინდელ მთავარ მწვრთნელს, ფრენკ ლამპარდს თავის გუნდში მკაცრი დისციპლი...
13.11.2019
კატალონიის „ბარსელონას“ ხორვატმა ფეხბურთელმა, ივან რაკიტიჩმა გუნდში შექმნილი სიტუაციის შესახებ საჯაროდ ისაუბრა. 31 წლის ფეხბურთელი წუხს იმ...
13.11.2019
უკანასკნელი სიახლეები