21 საუკუნის 10 საუკეთესო შემტევი ტრიო

სიახლე 18.05.2019
A+ A- 16:09

ფეხბურთის ისტორიაში ყოველთვის იყვნენ იდეალურად შეთამაშებული წყვილები, თუ ტრიოები.

მცველების, ნახევარმცველებისა და თავდამსხმელების ტანდემები, რომლებმაც წარუშლელი კვალი დატოვეს.

ამჯერად თქვენს ყურადღებას 21-ე საუკუნეში მოთამაშე საუკეთესო შემტევ ტრიოებზე შევაჩერებთ.

გთავაზობთ საუკეთესო ათეულს:

10 - პედრო, კოშტა და აზარი - ჩელსი

რა თქმა უნდა, აპლოდისმენტებს იმსახურებს ნგოლო კანტე, რომელმაც 2016-2017 წლების სეზონში „ჩელსის“ გაჩემპიონებაში დიდი წვლილი შეიტანა, თუმცა არ უნდა დაგვავიწყდეს ანტონიო კონტეს გუნდის შემტევი ტრიო - აზარი, პედრო და კოშტა.

იტალიელი სპეციალისტის ხელში ედენ აზარმა თავისი საუკეთესო ფორმა დაიბრუნა, ხოლო პედრო ისე ათამაშა, როგორსაც მას „ბარსელონადან“ ვიცნობდით.

რაც შეეხება კოშტას, ის ისევ ის კოშტა იყო, რომელიც „ატლეტიკოში“ ასპარეზობისას გავიცანით.

აზარისა და პედროს სისწრაფე და ტექნიკურობა, კოშტასთან ერთად შეუჩერებელ ძალად იქცა და პრემიერლიგაში მათთან გამკლავება მხოლოდ ერთეულებს შეეძლოთ.

 

9 - მერტენსი, ინსინიე და კალეხონი - ნაპოლი

„ნაპოლი“ 2016-2017 წლების სეზონში სერია A-ს ისტორიასი შევიდა. მაურისიო სარის გუნდმა ჩემპიონატში 94 გოლის გატანა შეძლო.

ნეაპოლელები ისტორიაში მხოლოდ 1959-1960 წლების ფორმაციის ტურინის „იუვენტუსს“ ჩამორჩნენ.

„პარტენოპეის“ შემტევმა ტრიომ დრის მერტენსმა, ლორენცო ინსინიემ და ხოსე კალეხონმა ჯამში 60 გოლის გატანა შეძლეს, მაგრამ მიუხედავად ამისა გუნდმა სანატრელი ჩემპიონობა მაინც ვერ მოიპოვა. „ნაპოლი“ სკუდეტოს უკვე 30 წელია ელოდება.

 

8 - ჰალკი, ფალკაო და ვარელა - პორტუ

2009-2011 წლებში „პორტუს“ შეტევაში შესანიშნავი ტრიო ჰყავდა - ჰალკი, ფალკაო და ვარელა მოედანზე ნამდვილ სპექტაკლებს დგამდნენ.

ერთად ყოფნის მეორე სეზონში ტრიომ წარმოუდგენელი სტატისტიკა დააფიქსირა და 86 გოლის გატანა შეძლო.

ანდრე ვილაშ-ბოაშის გუნდმა ხსენებულ სეზონში ჰეთ-თრიკი შეასრულა - „პორტუმ“ ქვეყნის ჩემპიონატი, თასი და ევროპა ლიგა მოიგო.

აღსანიშნავია, რომ ბოაშის დამოძღვრილმა გუნდმა ჩემპიონატის მოგება დაუმარცხებლად შეძლო.

 

7 - გიოტცე, ლევანდოვსკი და როისი - დორტმუნდი

იურგენ კლოპის „დორტმუნდი“ ნეიტრალური ქომაგებისთვისაც კი ძალიან მიმზიდველი გუნდი გახლდათ.

კლოპს შემადგენლობაში 3 ძალიან შეთამაშებული ფეხბურთელი ჰყავდა, რომლებზეც მთელი გუნდი იდგა. რა თქმა უნდა, საუბარი გიოტცე-ლევანდოვსკი-როისზე გვაქვს.

„დორტმუნდი“ ძალიან აგრესიულ და მიმზიდველ ფეხბურთს თამაშობდა. მათ მაღალ ტემპში მოქმედება უყვარდათ.

ამ ფორმაციის „დორტმუნდის“ ყველაზე დასამახსოვრებელი შეხვედრა 2013 წელს ჩემპიონთა ლიგის ნახევარფინალში მადრიდის „რეალის“ წინააღმდეგ იყო. გერმანელებმა 4:1 იმარჯვეს, ხოლო ლევანდოვსკიმ პოკერის შესრულება შეძლო.

შემდეგ, როგორც ხდება ხოლმე „ბაიერნმა“ თავისი მეტოქე მარტივ მამრავლებად დაშალა და გიოტცე-ლევანდოვსკი-ჰუმელსის ტრიო შეიძინა.

 

6 - ნეიმარი, მბაპე, კავანი - პსჟ

ფეხბურთის არსებობის ისტორიაში ყველაზე ძვირადღირებული ტრიო. მათი ფასი ჯამში 400 მილიონი ევროა.

თუმცა, მხოლოდ ფული და ცნობილი გვარები მთავარი მიზნისთვის საკმარისი არ აღმოჩნდა.

ნეიმარის, მბაპესა და კავანის „პსჟ“ შარშან ჩემპიონთა ლიგაზე მადრიდის „რეალთან“ უშანსოდ დამარცხდა. წელს კი „მანჩესტერ იუნაიტედთან“ გუნდმა მორიგი სამარცხვინო „ქამბექი“ იწვნია.

პარიზელები ლიგა 1-ს მარტივად იგებენ, თუმცა გუნდს ევროსარბიელზე „ლუზერის“ მენტალიტეტი აქვს ჩამოყალიბებული.

 

5 - რონალდუ, რუნი, ტევესი - მანჩესტერ იუნაიტედი

2007-2009 წლებში „წითელ ეშმაკებს“ მრისხანე და ეფექტური თავდასხმის ხაზი ჰყავდათ.

რონალდუ, რუნი და ტევესი სერ ალექს ფერგიუსონის ხელში ნამდვილ მანქანად იქცა.

დიახ, მათ არ მიუღწევიათ „იუნაიტედის“ ლეგენდარული ტრიოს დენის ლოუ, ჯორჯ ბესტი, ბობი ჩარლტონის დონემდე, მაგრამ გუნდის ისტორიაში თავიანთი სიტყვა მაინც თქვეს.

თითოეული მათგანი ძალიან სწრაფი, აგრესიული და მომაკვდინებელი იყო.

2008 წელს „იუნაიტედმა“ თავის ტრიოსთან ერთად ჩემპიონთა ლიგის მოგება შეძლო და მომდევნო სეზონში კვლავ ფინალამდე მიაღწია, თუმცა „ბარსელონასთან“ დამარცხდნენ (0:2)

რონალდუს ანგარიშზე სეზონის ბოლოს 26 გოლი იყო, რუნის მონაგარი 20 გოლი გახლდათ, ხოლო ტევესმა და ბერბატოვმა ჯამში 29-ჯერ გაიტანეს.

 

4 - ანრი, ეტოო, მესი - ბარსელონა

2007-2009 წლებში „ბარსას“ თავდასხმაში საოცნებო ტრიო ჰყავდა.

კატალონიელთა შეტევებს ტიერი ანრი, სამუელ ეტოო და ლეო მესი აგვირგვინებდნენ.

პეპ გუარდიოლას ხელში ხსენებულმა სამეულმა საოცარი ფეხბურთის თამაში დაიწყო. მათ შეჩერებას ესპანეთში ვერავინ ახერხებდა. შემდეგ კი კატალონიელები ქვეყნის საზღვრებსაც გასცდნენ და 2008-2009 წლების სეზონში მთელი ევროპა დაიპყრეს.

პეპის გუნდმა შესაძლებელი 6 ტურნირიდან ყველა მოიგო და ისტორიაში ჯერ არნახული შედეგი დააფიქსირა.

ლა ლიგაში „ბარსა“ თავის პრინციპულ მეტოქეებს დაუნდობლად გაუსწორდა. „ბლაუგრანამ“ „რეალს“ სტუმრად 6:2 სძლია, „ატლეტიკოს“ შინ 5:0, ასევე, „კამპ ნოუზე“ „სევილიას“ 4:0.

მთავარი მატჩი მაინც რომის ფინალი იყო, სადაც კატალონიელებმა სერ ალექს ფერგიუსონის უძლეველ „მანჩესტერს“ 2:0 მოუგეს და სეზონი ტრიუმფით დაასრულეს.

  

3 - რონალდუ, ბენზემა, ბეილი - მადრიდის რეალი

2013 წლის სეზონიდან 2019 წლამდე „რეალის“ შეტევაში BBC, ანუ ბენზემა, ბეილი, რონალდუს ტრიო თამაშობდა.

„სამეფო კლუბმა“ მათთან ერთად ჩემპიონთა ლიგის მოგება სამჯერ შეძლო, ხოლო 1-ჯერ ლა ლიგასაც დაეუფლნენ.

მიუხედავად ყველაფრისა, შემტევ ტრიოს მაინც ბევრი კრიტიკა უწევდა.

გარეთ ბეილი ქრონიკულად ტრავმიანობს და სეზონის პრაქტიკულად ნახევარს აცდენს. ბენზემას, ქომაგები თავისი გამოუყენებელი მომენტების გამო აკრიტიკებენ.

კრიტიკა რონალდუსაც კი შეეხო. როდესაც პორტუგალიელი ფეხბურთელი ფორმიდან ვარდებოდა, მას პრესა და გულშემატკივარი ამას არ პატიობდა.

BBC-ის ტრიო უკვე დაიშალა. რონალდუმ მადრიდი დატოვა. მალე ბეილიც წავა და დარჩება მხოლოდ ბენზემა, რომელიც ახალი სეზონიდან შესაძლოა სათადარიგო ფორვარდი გახდეს. „რეალმა“ უნიჭიერესი სერბი ლუკა იოვიჩი შეიძინა.

 

2 - რივალდო, რონალდო და რონალდინიო - ბრაზილიის ნაკრები

2002 წლის მსოფლიო ჩემპიონატზე ლუიშ ფელიპე სკოლარის საოცარი ნაკრები ჰყავდა.

ტრიო R-ი მოედანზე საოცრებებს ახდენდა.

ბრაზილიამ მუნდიალი ტრიუმფით დაასრულა. მათი ბურთების ბალანსი 18-4-თან იყო.

რონალდინიო, რონალდო, რივალდოს ტრიოდან ერთ-ერთს გოლი ყოველ შეხვედრაში გაჰქონდა.

ფეხბურთის ისტორიაში ხსენებული ტრიო ერთ-ერთი ყველაზე ეფექტური და მომაკვიდნებელი იყო. მათი თამაშის ყურება უდიდესი სიამოვნება გახლდათ.

 

1 - მესი, სუარესი და ნეიმარი - ბარსელონა

სამი მოთამაშე, სამი სეზონი და შვიდი მნიშვნელოვანი ტიტული.

ხსენებულ 3 სეზონში „ბარსამ“ 364 გოლი გაიტანა, აქედან 173 ბურთი MSN-ის ანგარიშზეა.

ფეხბურთს მსგავსი არასდროს არაფერი უნახავს. მესის, სუარესისა და ნეიმარის კომბინაციები და გოლები უბრალოდ წარმოუდგენელი სილამაზის იყო.

საეჭვოა, რომ გულშემატკივარმა უახლოეს მომავალში ამ დონის შესრულება კიდევ იხილოს.

სუპერადამიანი ლეო მესი მარჯვენა ფლანგიდან მოქმედებდა, საჯარიმოს სიღრმიდან დაუღალავი და აგრესიული ლუის სუარესი თამაშობდა, ხოლო მარცხენა ფლანგზე ახალგაზრდა და ენთუზიაზმით აღსავსე ნეიმარი ირჯებოდა.

სამხრეთ ამერიკული ტრიო მოედანზე ნამდვილ შოუს დგამდა. მათი ურთიერთგაგება ქომაგების აღტაცებას იწვევდა. ისინი ერთმანეთს უსიტყვოდ უგებდნენ და ისეთი რამის მოფიქრება შეეძლოთ, რომელიც მეტოქე გუნდის მცველებისთვის ბოლომდე ამოუხსნელად რჩებოდა. ხოლო, როდესაც სურათი ხილული და მკაფიო ხდებოდა MSN-ს გოლი უკვე გატანილი ჰქონდა.

 

მოამზადა მამუკა კუკულაძემ

თვლით, რომ ფეხბურთში კარგად ერკვევით და მის შესახებ ყველაფერი იცით? საინტერესოა ამ ფეხბურთელთა 12 წყვილის შესახებ თუ იცოდით, რომლებსაც თავიანთი კარიერ...

Crystalsport.ge აგრძელებს გადაცემას MASTERCLASS-ი, რომელშიც წარმატებული სპორტსმენი დამწყებ სპორტსმენებს საკუთარ გამოცდილებას უზიარებს. გადაცემის ...

ოცნებაში წარმოიდგენ, რომ შენ ფეხბურთელობისას მესი ხარ, ხოლო კარიერის დასრულების შემდეგ სერ ალექს ფერგიუსონი, თუმცა ცხოვრებაში რეალურად ასე არ ხდება. რ...

შიში - აი რა გრძნობა მეუფლება, როდესაც მარტზე ერთა ლიგაზე ვფიქრობ. ყველამ კარგად ვიცით რამხელა შანსი მოგვეცა და ასეთი შანსის ხელიდან გაშვება ჩვენი მსგ...

ალან შირერი - ნიუკასლი 2009 წლის აპრილში, მოულოდნელად „ნიუკასლმა“ გამოაცხადა, რომ სეზონის ბოლომდე მთავარი მწვრთნელის პოსტს ალან შირერი დაი...

1 - კოზმინ მოტი - ლუდოგორეცი VS სტიაუა, 2014 წელი რაზგრადის „ლუდოგორეცის“ მცველმა კოზმინ მოტიმ ბუქარესტის „სტიაუას“ წინააღმდეგ...

10 - გუნარ ნორდალი - 1950 წელი როდესაც საკუთარი თავისთვის დამაზიანებელ ნაბიჯს დგამ - ასე შეფასდა შვედეთის ფეხბურთის ფედერაციის გადაწყვეტილება, როდესაც...

ფიორენტინა - 1998/99 1998 წელს ფლორენციის „ფიორენტინას“ თავკაცის პოსტზე ჯოვანი ტრაპატონი დაინიშნა, რომელიც „იების“ 30 წლიანი ლ...

1 - რადამელ ფალკაო VS ამერიკა კალი, 2012 წელი შესაძლოა ფალკაომ „ოლდ ტრაფორზე“ და „სტემფორდ ბრიჯზე“ ასპარეზობისას განსაკუთრებულ...

„ნაპოლიმ“ ჩემპიონთა ლიგის მე-6 ტურში „გენკს“ შინ 4:0 სძლია და მერვედფინალის საგზური მოიპოვა, მატჩიდან რამდენიმე საათში კი კლუბ...

საფრანგეთის ეროვნული ნაკრების მთავარმა მწვრთნელმა დიდიე დეშამმა ფეხბურთის ასოციაციასთან კონტრაქტი 2022 წლამდე გაახანგრძლივა. ასე რომ დეშამი ''სამფეროვ...

რუსული მედიის ცნობით ჯანო ანანიძის მოსკოვის ''სპარტაკიდან'' წასვლა ძალიან რეალურია. რუსულ კლუბში საქართველოს ეროვნული ნაკრების ნახევარმცველის ყოველწლი...

19 წლის ქართველმა ფეხბურთელმა გიორგი მიქაუტაძემ ფრანგული ლიგა 1-ის ''მეცთან'' პროფესიონალური კონტრაქტი გააფორმა. მოქმედი ხელშეკრულების მიხედვით მიქაუტ...

ტელეკომპანია ''რუსთავი 2''-ის ეთერში ამსტერდამის ''აიაქსის'' აკადემიის შესახებ საინტერესო სიუჟეტი ვიხილეთ. ''ბარსელონასა'' და ''აიაქსის'' ყოფილი ფეხბუ...

იურგენ კლოპის „ლივერპული“ თავისთვის პირველი პრემიერ ლიგის მოსაგებად იბრძვის და უშუალო მდევარს, „ლესტერს“ 8 ქულით უსწრებს. პრემ...

ბრიტანული მედიის ცნობით ''ვესტ ჰემის'' მმართველები მთავარი მწვრთნელის განთავისუფლების საკითხს განიხილავენ. შესაძლოა მექსიკელი მანუელ პელეგრინი ''ჩაქუჩ...

აქსელ ვიტსელი წლეულს „დორტმუნდს“ ვეღარ დაეხმარება. ბელგიელმა ფეხბურთელმა ტრავმა საკუთარ სახლში მიიღო. ვიტსელი წაიქცა, სახე დაიზინა და საქმ...

საფეხბურთო კლუბ ბათუმის ''დინამოს'' მფლობელმა არჩილ ბერიძემ გადაცემა ''სპორტკლუბში'' სტუმრობისას კლუბთან და ზოგადად ქართულ ფეხბურთთან დაკავშირებულ მნი...

იტალიური „ბოლონიას“ მთავარი მწვრთნელი, სინიშა მიხაილოვიჩი ქალაქ ბოლონიის საპატიო მოქალაქე გახდება. ეს ინფორმაცია სოციალურ ქსელებში გავრცელ...

„ინტერის“ ფეხბურთელის, ლაუტარო მარტინესის აგენტები, ამ კვირაში „ბარსელონას“ ხელმძღვანელებს შეხვდებიან. აღნიშნულ ინფორმაციას გა...

Daily Mail იტყობინება, რომ უახლოეს მომავალში ოლე გუნარ სულშერს "მანჩესტერ იუნაიტედის" მთავარი მწვრთნელის პოსტის დატოვება არ ემუქრება. ბრიტანული გამოცე...

ალან პარდიუმ "ნიუკასლის" მთავარი მწვრთნელის პოსტზე გატარებული პირველი დღე გაიხსენა. პარდიუმ A Pint with Eamonn and the Gaffers პოდკასტში ისაუბრა და აქ...

ბელგიის ჩემპიონატის მე-18 ტურში გიორგი ჩაკვეტაძე 8 თვიანი პაუზის შემდეგ მოედანს დაუბრუნდა. „გენტის“ მთავარმა მწვრთნელმა იენ ტორუპმა 20 წლი...

2020 წლის გაზაფხულიდან ბათუმს UEFA-ს მე-4 კატეგორიის სტანდარტების შესაბამისი 20 000 მაყურებელზე გათვლილი სტადიონი ექნება.  ამ ეტაპზე, სამუშაოები ...

„ბრისტოლის“ ფეხბურთელმა ბენიკ აფობემ, რომელმაც რამდენიმე დღის წინ 2 წლის ქალიშვილი დაკარგა, სოციალურ ქსელში პოსტი გამოაქვეყნა და ყველას, ვ...

„მანჩესტერ იუნაიტედი" არტურო ვიდალის ტრანსფერს უმიზნებს. Mirror-ის ინფორმაციით „წითელ ეშმაკებს" ჩილელი ფეხბურთელის გადაბირება ზამთრის სატრ...

„სიტის“ მთავარი მწვრთნელი, პეპ გუარდიოლა „ლივერპულთან“ 14 ქულიანი ჩამორჩენის მიუხედავად, აცხადებს, რომ მისმა გუნდმა აქცენტი ჩე...

რეკომენდებული სიახლეები
19 წლის ქართველმა ფეხბურთელმა გიორგი მიქაუტაძემ ფრანგული ლიგა 1-ის ''მეცთან'' პროფესიონალური კონტრაქტი გააფორმა. მოქმედი ხელშეკრულების მიხედვით მიქაუტ...
10.12.2019
საფეხბურთო კლუბ ბათუმის ''დინამოს'' მფლობელმა არჩილ ბერიძემ გადაცემა ''სპორტკლუბში'' სტუმრობისას კლუბთან და ზოგადად ქართულ ფეხბურთთან დაკავშირებულ მნი...
10.12.2019
ტელეკომპანია ''რუსთავი 2''-ის ეთერში ამსტერდამის ''აიაქსის'' აკადემიის შესახებ საინტერესო სიუჟეტი ვიხილეთ. ''ბარსელონასა'' და ''აიაქსის'' ყოფილი ფეხბუ...
10.12.2019
რუსული მედიის ცნობით ჯანო ანანიძის მოსკოვის ''სპარტაკიდან'' წასვლა ძალიან რეალურია. რუსულ კლუბში საქართველოს ეროვნული ნაკრების ნახევარმცველის ყოველწლი...
10.12.2019
სპორტული სიახლეების ვიდეოკოლაჟი CrystalSport-ისგან...
10.12.2019
აქსელ ვიტსელი წლეულს „დორტმუნდს“ ვეღარ დაეხმარება. ბელგიელმა ფეხბურთელმა ტრავმა საკუთარ სახლში მიიღო. ვიტსელი წაიქცა, სახე დაიზინა და საქმ...
10.12.2019
„ნაპოლიმ“ ჩემპიონთა ლიგის მე-6 ტურში „გენკს“ შინ 4:0 სძლია და მერვედფინალის საგზური მოიპოვა, მატჩიდან რამდენიმე საათში კი კლუბ...
11.12.2019
საქართველოს ნაკრებმა მსოფლიო ჩემპიონატზე კიოშუინკაი კარატეში წარმატებულად იასპარეზა. იაპონიაში გამართული მუნდიალის გამარჯვებული ანდრეი ზინჩენკო გ...
10.12.2019
იურგენ კლოპის „ლივერპული“ თავისთვის პირველი პრემიერ ლიგის მოსაგებად იბრძვის და უშუალო მდევარს, „ლესტერს“ 8 ქულით უსწრებს. პრემ...
10.12.2019
ბათუმში სტარტი აიღო საქართველოს თასის გამათაშებამ თავისუფალ და ბერძნულ რომაული სტილით ჭიდაობაში. არშანიშნავია , რომ ტურნირში მონაწილეობას ოლიმპიური და...
10.12.2019
საფრანგეთის ეროვნული ნაკრების მთავარმა მწვრთნელმა დიდიე დეშამმა ფეხბურთის ასოციაციასთან კონტრაქტი 2022 წლამდე გაახანგრძლივა. ასე რომ დეშამი ''სამფეროვ...
10.12.2019
უკანასკნელი სიახლეები