ვარსკვლავი, რომელსაც EFL-ის განათება შეუძლია | BBC Sport-ი ჩაკვეტაძეზე წერს

„საერთაშორისო დონის ვარსკვლავები, რომლებმაც ინგლისის საფეხბურთო ლიგის განათება შეუძლიათ“ - ამ სათაურით სტატიას BBC Sport-ი აქვეყნებს და ერთ-ერთ ასეთ ვარსკვლავად „უოტფორდის“ ქართველ ნახევარმცველს, გიორგი ჩაკვეტაძეს ასახელებს.

რას წერს BBC Sport-ი ჩაკვეტაძეზე:

„ევროპის ჩემპიონატზე ყველასთვის „მეორე საქომაგო“ გუნდი საქართველო იყო. ტურნირის მონაწილეთა შორის ყველაზე დაბალი რეიტინგის მქონე გუნდმა გულშემატკივრებს იმედები არ გაუცრუა. ისინი ჯგუფიდან გავიდნენ, რაშიც წვლილი გიორგი ჩაკვეტაძემაც შეიტანა.

ჩაკვეტაძემ საქართველოს ოთხივე შეხვედრაში მიიღო მონაწილეობა, მისი გუნდი კი მერვედფინალში მომავალ ჩემპიონთან, ესპანეთთან დამარცხდა. თუმცა ჯგუფურ ეტაპზე საქართველომ შთამბეჭდავი შედეგი აჩვენა და თურქეთთან განცდილი მარცხის შემდეგ (1:3) ჩეხეთს დაუზავდა (1:1) და ჯგუფის ლიდერ პორტუგალიას მოუგო (2:0), რის შემდეგაც თბილისის ქუჩები მოცეკვავე გულშემატკივრებით გაივსო.

24 წლის ჩაკვეტაძე ვიკარიჯ როუდზე ბელგიური „გენტიდან“ იჯარის წესით ჩავიდა, შემდეგ კი კლუბთან სრულფასოვანი კონტრაქტიც გააფორმა. „უოტფორდის“ მწვრთნელი ტომ კლევერლი მოელის, რომ ჩაკვეტაძის გავლენა მოედანზე კიდევ უფრო გაიზრდება“

ჩაკვეტაძესთან ერთად EFL-ის საერთაშორისო დონის ვარსკვლავებს შორის ასევე დასახელდნენ ნორვიჩის ურუგვაელი მარსელინო ნუნიესი („ნორვიჩი“), ამერიკელი ჰაჯი რაითი („ქოვენთრი“), უნგრელი კალუმ სტაილსი („ბარნსლი“), იამაიკელი კეროი ანდერსონი („ჩარლტონი“) და ახალზელანდიელი ბენ უეინი („პლიმუთი“).