ლიგა 1-ისა და პრემიერ ლიგის კლუბები | 100 მილიონი კვარას სანაცვლოდ
ცნობილმა სატრანსფერო ექსპერტმა, ეკრემ კონურმა ხვიჩა კვარაცხელიას პოტენციურ ტრანსფერთან დაკავშირებით, ახალი ინფორმაცია გაავრცელა. კონურის მიხედვით, „კვარა“ ევროპული ფეხბურთის გრანდების რადარებზე რჩება და არის ალბათობა, „პარტენოპეიმ“ ზაფხულში სერიოზული წინადადება მიიღოს.
„ლიგა 1-ისა და პრემიერ ლიგის კლუბები ხვიჩა კვარაცხელიათი დაინტერესებას განაგრძობენ და შესაძლოა, ზაფხულში, ნაპოლიმ ქართველი ფეხბურთელის თაობაზე 100 მილიონი ევროს ოდენობის შეთავაზება მიიღოს“, - წერს კონური.
???? #ForzaNapoliSempre ???? ????????
— Ekrem KONUR (@Ekremkonur) April 22, 2024
Ligue 1 and Premier League clubs continue to be interested in Khvicha Kvaratskhelia and Napoli could receive offers of 100 million euros for the 22-year-old Georgian in the summer transfer window. https://t.co/tduvquNp4t pic.twitter.com/fJawT0EO3Z
საინტერესოა, რომ La Gazzetta dello Sport-ის ცნობით, „ნაპოლის“ პრეზიდენტისთვის, აურელიო დე ლაურენტისისთვის ხელშეუხებელი აღარავინაა. „პარტენოპეის“ პირველი პირი მზადაა, გუნდის ლიდერებიც გაყიდოს და როგორც იტალიური გაზეთი წერს, გამონაკლისი არც ქართველი გარემარბია. დე ლაურენტისს არ სურს, ვიქტორ ოსიმენის შემთხვევა განმეორდეს და არავის ტრანსფერს არ დაბლოკავს.
შეგახსენებთ, რომ შეგახსენებთ, რომ სერია A-ს 33-ე ტურში „ნაპოლი“ სტუმრად „ემპოლისთან 0:1 დამარცხდა, ხვიჩა კვარაცხელია კი ფრანჩესკო კალცონამ 72-ე წუთზე შეცვალა. „პარტენოპეის“ 49 ქულა აქვს და მეხუთეადგილოსან „რომას“, რომელსაც ორით ნაკლები მატჩი აქვს გამართული, 6 ქულით ჩამორჩება.
