ქვილითაიას გამარჯვების გოლი | ყოფილ გუნდს გაუტანა და არ აღნიშნა
კვიპროსის ჩემპიონატის 27-ე ტურში არისმა შინ აპოელ-ი გიორგი ქვილითაიას ერთადერთი გოლით დაამარცხა - 1:0. ქართველმა ფეხბურთელმა, რომელმაც მიმდინარე სეზონში ყველა ტურნირის ჩათვლით მე-8 გოლი გაიტანა, ყოფილ გუნდთან გატანილი გოლი არ აღნიშნა. ამ მომენტში არისი პირველ ადგილზეა, კონკურენტ „პაფოსს' 2 ქულით უსწრებს, თუმცა „პაფოსს' მიმდინარე ტურში ჯერ არ უთამაშია.
