ახალი მეტოქე შერჩეულია | ვისთან სურს ქამრის დაცვა ჩიმაევს
UFC-ის საშუალო წონითი დივიზიონის ჩემპიონმა, ხამზატ ჩიმაევმა სოციალურ ქსელში ნიდერლანდელი რენიე დე რიდერი გამოიწვია. ამის შესახებ გამოცემა Sportskeeda წერს.
კერძოდ, „ბორზმა“ სოციალურ ქსელში დე რიდერი მონიშნა, „ნიდერლანდელმა რაინდმა“ კი ასე უპასუხა:
„გილოცავ ჩემპიონობას, მაგრამ მე გაჩვენებ, რას ნიშნავს ნამდვილი დომინირება გრეპლინგში. ხელი მოაწერე კონტრაქტს“.
Congrats on the belt @KChimaev. But I will show you what true grappling dominance looks like. ???? Sign the contract ???? https://t.co/UgUBPnjdFD
— Reinier De Ridder (@DeridderMMA) August 19, 2025
შეგახსენებთ, რომ ჩიმაევმა UFC 319-ზე მსაჯთა ერთსულოვანი გადაწყვეტილებით სამხრეთაფრიკელი დრიკუს დუ პლესი დაამარცხა და საშუალო წონითი დივიზიონის ახალი ჩემპიონი გახდა. ბრძოლის შემდეგ „ბორზმა“ განაცხადა, რომ ქამრის დაცვა 26 ოქტომბერს აბუ-დაბიში დაგეგმილ ღონისძიებაზე სურს, რომლის მთავარი მოვლენაც ტომ ასპინალისა და სირილ განის ჩხუბი იქნება.
რაც შეეხება დე რიდერს, ივლისის ბოლოს მან გაყოფილი გადაწყვეტილებით რობერტ უიტეკერს სძლია და 5-ბრძოლიანი მოგებების სერიით საშუალო წონის რეიტინგის მე-5 პოზიციაზეა.
