Aa Aa
4 მარტი 2021  |  19:55

"დიდებული გოლი გაიტანა და გალათასარაი გაანადგურა" - თურქული მედია ლობჟანიძეზე

საბა ლობჟანიძემ თურქეთის სუპერ ლიგის თანალიდერ „გალათასარაის“ ლამაზი გოლი გაუტანა და „ანკარაგიუჯუს“ გამარჯვებაში მნიშვნელოვანი წვლილი შეიტანა.

ქართველმა შემტევმა გუშინდელ მატჩში „გალას“ კარი 55-ე წუთზე აიღო და საკუთარი გუნდი 2:0 დააწინაურა. საჯარიმოში შესულმა საბამ ერთი მცველი ეფექტურად ჩამოიშორა, რის შემდეგაც კარიდან გამოსულ ფერნანდო მუსლერას ბურთი თავზე გადაუგდო.

საბას თამაში კი თურქულმა მედიამ უყურადღებოდ არ დატოვა და ხოტბა შეასხა: "ქართველმა ფეხბურთელმა დიდებული გოლი გაიტანა. მოატყუა მარკანო და მუსლერას შანსი არ დატოვა. ლობჟანიძემ "გალათასარაი" გაანადგურა!" - წერს Sabah.com

ჩვენმა თანამემამულემ სუპერ ლიგის მიმდინარე გათამაშებაში მე-3 გოლი გაიტანა, ასევე აქტივში 7 საგოლე გადაცემაც აქვს, რაც მის გუნდში საუკეთესო მაჩვენებელია.

„ანკარაგუჯუმ“ სტამბულურ გრანდს საბოლოოდ 2:1 აჯობა, რითაც 6-მატჩიანი მოუგებელი სერია შეწყვიტა. ანკარელებს 26 ტურში 23 ქულა აქვთ და სატურნირო ცხრილის მე-19 ადგილზე არიან.

გაზიარება:

მსგავსი სიახლეები

ეს გვერდი უკეთ ჩანს მობილურ აპლიკაციაში