„უფრო დიდი გამარჯვებები“ | აიაქსმა დინამო თბილისს 100 წლის იუბილე მიულოცა
„აიაქსმა“ „დინამო თბილისს“ 100 წლის იუბილე მიულოცა. თბილისურმა კლუბმა სოციალურ ქსელში პოსტი გამოაქვეყნა, რომელშიც ამსტერდამელებისგან მიღებული წერილია გასაჯაროებული.
„ძვირფასო დინამო თბილისო, აიაქსის დიდი ოჯახის სახელით, გთხოვთ მიიღოთ ჩვენი გულწრფელი მილოცვა თქვენი საკლუბო ისტორიის გამორჩეულ თარიღთან - დინამო თბილისის დაარსებიდან 100 წლის იუბილესთან დაკავშირებით. ასეთი მნიშვნელოვანი თარიღი არა მხოლოდ კლუბის სპორტულ მიღწევებს აღნიშნავს, არამედ ასახავს მის კულტურულ გავლენას და უდიდეს მნიშვნელობას.
დინამო თბილისის მდიდარი ისტორია, ერთგული გულშემატკივრები და სრულყოფილებისკენ დაუღალავი სწრაფვა, კლუბს წარმოაჩენს როგორც ეროვნული სიამაყის ნამდვილ სიმბოლოს. აიაქსსა და დინამოს აერთიანებთ ტრადიცია - აღზარდონ გამორჩეული ფეხბურთელები და თავისი თამაშით შთააგონონ გულშემატკივართა სხვადასხვა თაობები. ჩვენ გულწრფელად ვაფასებთ თქვენს წვლილს ევროპულ ფეხბურთში და გვჯერა, რომ ჩვენს კლუბებს შორის მეგობრობა, განვითარება და წარმატებები მომავალშიც გაგრძელდება.
გთხოვთ მიიღოთ ჩვენი გულწრფელი მილოცვა. მომავალ საუკუნეს თქვენი კლუბისთვის კიდევ უფრო დიდი გამარჯვებები და დაუვიწყარი მომენტები მოეტენოს. პატივისცემით, აიაქს ამსტერდამი."
შეგახსენებთ, რომ 19 ოქტომბერს, დინამო არენაზე „აიაქსისა“ „დინამო თბილისის“ ლეგენდების მატცი გაიმართება.
