პირველი იაპონელი და მეორე აზიელი - მაცუიამამ ისტორია დაწერა
გოლფის რიგით 85-ე მასტერსის სერიის ტურნირი ჰიდეკი მაცუიამას ჩემპიონობით დაგვირგვინდა. იაპონელმა სპორტსმენმა გოლფში ახალი ისტორია დაწერა.
იაპონური გოლფის ისტორიაში გუშინდელამდე ორი დიდი გამარჯვება იყო: 1977 წელს - ჰისაკო ჰიგუჩიმ, ხოლო 2019 წელს - ჰინაკო შიბუნომ ქვეყნის ისტორიაში უდიდესი ფურცლები ჩაწერეს. ორივე მათგანი ქალბატონია, მამაკაც იაპონელებს შორის კი 1980 წელს, ისაო აოკის მიერ ამერიკის ღია პირველობაზე მოპოვებული მე-2 ადგილი საუკეთესო შედეგი გახლდათ.
Hideki Matsuyama held off the field to win #TheMasters by one stroke... he became the first Japanese man to claim a major title.#bbcgolf
— BBC Sport (@BBCSport) April 12, 2021
შედეგად, ჯორჯიის შტატ აუგუსტაში გამართულ გათამაშებაზე მიღწეული ტრიუმფის შემდეგ, მაცუიამა პირველი იაპონელი მამაკაცია, რომელმაც გოლფში მასტერსის სერიის ტურნირი და, ზოგადად, ამ სპორტის მაღალი რანგის შეჯიბრება მოიგო. ასევე, იგი მეორე აზიელია, რომელმაც ეს გააკეთა. 2009 წელს, PGA Championship-ზე ტიტული სამხრეთ კორეელმა იან იონ-ეუნმა მოიპოვა.
„ნამდვილად ძალიან ბედნიერი ვარ. ჩემი მენტალიტეტი, ცხადია, ბოლო დარტყმებზე არ იყო მომართული და პირველივე სვლებიდან გეგმის მიხედვით ვმოქმედებდი. მთელი გათამაშების განმავლობაში ჩემს ოჯახსა და ახლობლებზე ვფიქრობდი და ბედნიერი ვარ, რომ მათთვის ასე კარგად თამაში შევძელი.
იმედი მაქვს, პიონერი გავხდები და ჩემს კვალს ბევრი იაპონელი გაჰყვება. მოხარული ვარ, რომ მათთვის ეს დიდი კარი გავაღე“, - განაცხადა მაცუიამამ.
???????? HISTORY MAKER ????????
— BBC Sport (@BBCSport) April 11, 2021
The Green Jacket belongs to Hideki Matsuyama!
He wins #TheMasters and becomes the first Japanese man to ever win a major.#bbcgolf
29 წლის იაპონელს წარმატება მიულოცა ლეგენდარულმა ტაიგერ ვუდსმა, რომელმაც აღნიშნა, რომ მისი ეს ჩემპიონობა მთლიანად გოლფის სამყაროზე მოახდენს გავლენას.
„იაპონელების საამაყო ჰიდეკი! გილოცავ შენთვის და შენი ქვეყნისთვის ამ უდიდეს მიღწევას. ისტორიული ჩემპიონობა, რომელიც გავლენას სრულიად გოლფის სამყაროზე მოახდენს“, - დაწერა „ტვიტერზე“ ვუდსმა.
Making Japan proud Hideki. Congratulations on such a huge accomplishment for you and your country. This historical @TheMasters win will impact the entire golf world.
— Tiger Woods (@TigerWoods) April 11, 2021
ჰიდეკი მაცუიამას პროფესიონალურ კარიერაში 15 ტიტული აქვს მოგებული, მათგან 6 PGA-ის კატეგორიისაა. მაცუიამა გოლფის მსოფლიო რეიტინგში გასულ კვირასთან შედარებით 11 პოზიციით დაწინაურდა და ამჟამად მე-14 ადგილზე გახლავთ.
