საქართველოს თასი | რუსთავმა სამტრედიაში მოიგო და ნახევარფინალში გავიდა
საქართველოს თასზე გადადებული მეოთხედფინალური მატჩი შედგა, რომელშიც „სამტრედიამ“ „რუსთავს“ უმასპინძლა.
პირველ ტაიმში უგოლო ფრე დაფიქსირდა, 52-ე წუთზე კი „სამტრედიას“ კარში პენალტი დაინიშნა, რომელიც ზუსტად ჟან სოუზა დე ალმეიდამ შეასრულა.
მალევე, 57-ე წუთზე იულენ კორდერომ ანგარიში გაათანაბრა, თუმცა 81-ე წუთზე სტუმართა იაპონელმა ლეგიონერმა, იუტა ნაკანომ თავური დარტყმით „რუსთავი“ წინ გაიყვანა და გიორგი ცეცაძის გუნდს ნახევარფინალის საგზური მოუტანა.
შესაბამისად, ნახევარფინალში დინამო ბათუმი, დილა, გაგრა და რუსთავი ითამაშებენ.
