„ეს ისტორიაში ყველაზე რთული მუნდიალია“ - როდრიმ ფინალი შეაფასა
ესპანეთის ნაკრების კაპიტანმა, როდრიმ, რომელიც მსოფლიო ჩემპიონატის საუკეთესო ფეხბურთელად დასახელდა, ფინალის შემდეგ პირველი კომენტარი გააკეთა.
„მადლობას ვუხდი თანაგუნდელებს, შესანიშნავი გუნდი გვყავს და მსოფლიო ჩემპიონები ვართ - ეს სიტყვები დაუჯერებლად ჟღერს. მსოფლიო ჩემპიონატების ისტორიაში ეს ყველაზე რთული მუნდიალია - მათ ყველა დროის საუკეთესო ფეხბურთელი ჰყავთ, ჩვენი კი ყველა რეკორდი დავამყარეთ...
არგენტინის საგოლე მომენტების ნაკლებობა? ეს არის ჩვენი გუნდის საიდუმლო - ვისაც არ უნდა ვეთამაშებოდეთ, არასდროს ვნებდებით. მამაცად უნდა ითამაშო და ცხოვრება ამისთვის დაგასაჩუქრებს.
იმედია, ჩემი ისტორია ახალგაზრდა ფეხბურთელებისთვის მაგალითი გახდება: მაშინაც კი, როდესაც შენი კარიერა უკან მიდის, მძიმე შრომის ხარჯზე ყოველთვის შეგიძლია ყველაფერი შეცვალო“.
შეგახსენებთ, რომ ფინალში ერთადერთი გოლი 106-ე წუთზე ნიკო უილიამსის პასით ფერან ტორესმა გაიტანა და ესპანეთის ნაკრებს მსოფლიო ჩემპიონატის მეორე ოქრო მოუტანა.
კომენტარები
იყავით პირველი, ვინც დაწერს კომენტარს