თეთრი სახლიდან დარეკეს - ბალოგუნის წითელი გაუქმდა და ბელგიასთან ითამაშებს
აშშ-ის პრეზიდენტის ადმინისტრაციამ აშშ-ის ნაკრების ფორვარდის, ფოლარინ ბალოგუნის დისკვალიფიკაციის საკითხზე ფიფა-ს მიმართა.
„მონაკოს“ ფეხბურთელმა მსოფლიო ჩემპიონატის 1/16-ფინალში, ბოსნიასთან მატჩში (2:0), ტარიკ მუჰარემოვიჩის კოჭზე ფეხის დაბიჯების გამო, VAR-ზე გადამოწმების შემდეგ წითელი ბარათი მიიღო და მას ბელგიასთან 1/8-ფინალური დაპირისპირება უნდა გამოეტოვებინა.
მოგვიანებით ბალოგუნის ერთმატჩიანი დისკვალიფიკაცია ერთწლიანი გამოსაცდელი ვადით ჩანაცვლდა. ახლა აშშ-ის ფორვარდი 1/8-ფინალში ბელგიის წინააღმდეგ თამაშს შეძლებს. დონალდ ტრამპმა ფიფა-ს ამ გადაწყვეტილებისთვის მადლობაც გადაუხადა:
„მადლობა ფიფას სწორი ნაბიჯის გადადგმისა და დიდი უსამართლობის გამოსწორებისთვის“. - დაწერა ტრამპმა სოციალურ ქსელში.
ჟურნალისტ ბენ ჯეიკობსის ინფორმაციით, თეთრი სახლი პირდაპირ დაუკავშირდა ფიფა-ს და ორგანიზაციის ხელმძღვანელს, ჯანი ინფანტინოს, რომელსაც ბალოგუნის წითელი ბარათის გადახედვაზე გავლენის მოხდენა სთხოვა. ამავდროულად, ფიფა-ში ამტკიცებენ, რომ აშშ-ის ხელისუფლებას არ შეეძლო გავლენა მოეხდინა სადისციპლინო კომისიის გადაწყვეტილებაზე მისი დამოუკიდებელი ხასიათისა და რეგლამენტით გათვალისწინებული უფლებამოსილებების გამო.
???? Exclusive: The White House made a direct call to FIFA to ask Gianni Infantino to review Folarin Balogun’s red card.
— Ben Jacobs (@JacobsBen) July 5, 2026
FIFA approached for comment and referred to the findings of its independent committee.
FIFA sources insist White House influence could not affect the decision… pic.twitter.com/Rl97b1wm4X
ბალოგუნის შემთხვევა რონალდუს ინციდენტს ჰგავს, როცა მსოფლიო ჩემპიონატის დაწყებამდე კრიშტიანუმ საკვალიფიკაციოს ბოლოს წინა ტურში ირლანდიასთან წითელი ბარათი მიიღო, თუმცა მუნდიალზე ჯგუფური ეტაპის მატჩები არ გამოუტოვებია.
