გიორგი გულიაშვილის რასინგი ლა ლიგა 2-ის ჩემპიონია

გიორგი გულიაშვილის „რასინგ სანტანდერი“ ესპანეთის ლა ლიგა 2-ის გამარჯვებულია. გათამაშების ბოლო ტურში ქართველი შემტევის გუნდი იური ტაბატაძის „კადისს“ დაუპირისპირდა და 4:1 დაამარცხა. სამწუხაროდ, ქართველმა ფეხბურთელმა დღევანდელ მატჩში მონაწილეობა ტრავმის გამო ვერ მიიღეს.

ლა ლიგის 2025/26 წლების სეზონში „რასინგმა“ 82 ქულა დააგროვა და გათამაშება პირველ ადგილზე დაასრულა. შესაბამისად, მომდევნო სეზონში გულიაშვილის გუნდი ესპანეთის მთავარ ჩემპიონატში ითამაშებს. რაც შეეხება „კადისს“, ტაბატაძის გუნდი ამ ეზონში ლა ლიგა 2-ში ადგილის შენარჩუნებისთვის იბრძოდა მიზანს მიაღწია კიდეც. „კადისმა“ სეზონი 43 ქულით მე-17 ადგილზე დაასრულა.

გიორგი გულიაშვილი „რასინგს“ მიმდინარე წლის ზამთარში შეუერთდა და ლა ლიგაში ჩატარებულ 17 შეხვედრაში 6 გოლი გაიტანა და 2 საგოლე გადაცემა შეასრულა. იური ტაბატაძე კი „კადისში“ ზაფხულის სატრანსფერო ფანჯარაზე გადავიდა და ლა ლიგა 2-ში ჩატარებულ 18 მატჩში ასევე 6 გოლის გატანა შეძლო. სამწუხაროდ, იანვარში ტაბატაძემ მძიმე ტრავმა მიიღო, რის გამოც სეზონი ნაადრევად დაასრულა.