ენტონი გორდონი ბარსელონაში ითამაშებს - შეთანხმება შედგა
„ბარსელონა“ 25 წლის ინგლისელი შემტევის ენტონი გორდონის ტრანსფერის დახურვასთან ახლოსაა.
ფაბრიციო რომანოს ცნობით, „ბარსამ“ „ნიუკასლის“ ფეხბურთელთან პირადი კონტრაქტის დეტალებზე სრულ შეთანხმებას მიაღწია.
„ბარსელონა“ „ნიუკასლთან“ პირდაპირ, ოფიციალურ მოლაპარაკებებს მართავს, რათა კლუბებს შორის გარიგება დაიხუროს. მოლაპარაკებები დღესაც გრძელდება. კატალონიელთა სპორტული დირექტორი დეკუ რამდენიმე დღეა ბრიტანეთშია და მოლაპარაკებებს ხელმძღვანელობს. ფეხბურთელის აგენტი კი ცოტა ხნის წინ ბარსელონას აეროპორტში შენიშნეს.
„ბარსას“ სურს, გარიგება სწრაფად დაასრულოს, რათა დაასწროს პრემიერ ლიგის კლუბებსა და „ბაიერნს“, რომლებიც კულისებში კვლავ აქტიურობენ. კლუბს სურს, რომ გორდონი მსოფლიო ჩემპიონატის დაწყებამდე მათი საკუთრება იყოს და როგორც ჩანს, ამას მალე მიაღწევს. ფაბრიციო რომანო წერს, რომ ინგლისელი ფეხბურთელი 70-80 მილიონი ევროს სანაცვლოდ „ბლაუგრანას“ მოთამაშე გახდება. სამედიცინო შემოწმება დიდი ალბათობით ამ კვირაშივე (სავარაუდოდ ხვალვე) ჩაინიშნება.
???????? BREAKING: Anthony Gordon to Barcelona, here we go! Official bid accepted now by Newcastle board and Saudi owners.
— Fabrizio Romano (@FabrizioRomano) May 27, 2026
€70m fixed fee plus add-ons to bring final package over €80m for #NUFC.
Gordon set to travel this week for medical and contract signing at FCB. ????????✈️ pic.twitter.com/TM1AORaeqz
25 წლის ინგლისელის ანგარიშზე მიმდინარე სეზონში 46 მატჩში 17 გოლი და 5 საგოლე პასია. მისი კონტრაქტი 2030 წლამდეა ძალაში და Transfermarkt-ის მონაცემებით 60 მილიონ ევროდ არის შეფასებული.
