ხოზრევანიძის გამარჯვების გოლი | დინამო ბათუმის ზედიზედ მესამე გამარჯვება

კრისტალბეთ ეროვნული ლიგის მე-13 ტურში გიორგი ჭიაბრიშვილის გაწვრთნილმა დინამო ბათუმმა შინ ბოლოადგილოსანი მეშახტე 2:1 დაამარცხა.

პირველი ტაიმი ლადო ბურდულის გუნდის გამარჯვებით დასრულდა, 34-ე წუთზე ბექა შუბითიძის პასით ირაკლი სიხარულიძემ გაიტანა. მეორე ტაიმში მასპინძლებმა თამაში შემოატრიალეს, 49-ე წუთზე ლუკა წულუკიძემ შეაგდო. 63-ე წუთზე თამაშში 20 წლის ფორვარდი ლევან ხოზრევანიძე ჩაერთო, რომელმაც 84-ე წუთზე გამარჯვების გოლი გაიტანა, თორნიკე კირკიტაძის ჩაწოდების შემდეგ ახლო მანძილიდან თავით ეფექტური გოლი შეაგდო.

2025 წლის სეზონში ლევან ხოზრევანიძემ კრისტალბეთ ეროვნულ ლიგაში 17 მატჩში 5 გოლი გაიტანა. მიმდინარე სეზონში 9-მატჩიანი უგოლო სერია ჰქონდა, რომელიც დღეს დაასრულა.

დინამო ბათუმმა 13 მატჩში 17 ქულა დააგროვა, ზედიზედ მესამე მატჩი მოიგო, მე-6 ადგილზეა. რაც შეეხება მეშახტეს, ზედიზედ მე-4 მატჩი დათმო, 10 ქულით ბოლო ადგილზეა, თუმცა უშუალო კონკურენტ გაგრას მხოლოდ 1 ქულით ჩამორჩება.

მე-14 ტურში, 21 მაისს დინამო ბათუმი სპაერს ესტუმრება, 20 მაისს მეშახტე წყალტუბოში ტორპედოს მიიღებს.

დინამო ბათუმის პრესსამსახურის ფოტო