მაიკლ ოუენი: მიეცით კერიკს მუშაობის საშუალება

 „მანჩესტერ იუნაიტედის“, „რეალისა“ და სხვა კლუბების ყოფილი ფორვარდი, მაიკლ ოუენი მიიჩნევს, რომ მაიკლ კერიკი „მანჩესტერ იუნაიტედის“ მთავარი მწვრთნელის პოსტზე მომდევნო სეზონშიც უნდა დარჩეს.

„უბრალოდ წარმოიდგინეთ, რომ კერიკს უშვებთ და მოგყავთ ნებისმიერი სხვა — თუნდაც დაბადებიდან გამარჯვებული. წარმოიდგინეთ, რომ გუნდი სეზონს ისევ ცუდად იწყებს. ფანები ხელმძღვანელობას უბრალოდ გაანადგურებენ. შოკში მაგდებს ის, რომ ხალხი ამბობს, თითქოს კერიკი არ უნდა დატოვონ. უბრალოდ გაოცებული ვარ. რატომ დგას საერთოდ ეს საკითხი? არ მესმის“, - თქვა ოუენმა.

მისივე თქმით, კერიკს მუშაობის გაგრძელების საშუალება უნდა მიეცეს.

„რამდენი წელი გავიდა სერ ალექსის წასვლიდან? უკვე თორმეტი. მათ ყველაფერი სცადეს: გამოცდილი მწვრთნელები: ვან გალი, მოურინიო, მოიესი, შემდეგ ყოფილი ფეხბურთელები, როგორიცაა სულშერი. შემდეგ ცოტა სხვა მიმართულებით წავიდნენ, მოიყვანეს ახალგაზრდა სუპერვარსკვლავი რუბენ ამორიმი, მოიყვანეს რალფ რანგნიკი. მათ ფაქტობრივად ყველაფერი სცადეს და თორმეტწლიანი წარუმატებლობის შემდეგ ჩნდება ვიღაც, ვინც ფეხბურთელებისგან მაქსიმუმს იღებს. ისინი იგებენ, პროგრესულად გამოიყურებიან, ზოგიერთი მოთამაშე კი ბოლო წლების განმავლობაში თავის საუკეთესო ფეხბურთს აჩვენებს. როგორ შეუძლია ვინმეს თქვას, რომ კერიკი არ უნდა დარჩეს? რა არის ყველაზე ცუდი, რაც შეიძლება მოხდეს? მიეცით ორწლიანი კონტრაქტი. თუ ახალ სეზონს ყველა მატჩში წაგებით დაიწყებს, შეგიძლიათ დაემშვიდობოთ. ეს არ არის თქვენს ისტორიაში ყველაზე მთავარი გადაწყვეტილება. ის კარგად მუშაობს — რატომ არ უნდა მივცეთ გაგრძელების საშუალება? იმის დაჯერება, რასაც ახლა „იუნაიტედის“ შესრულებით ვხედავთ, შეუძლებელია“, -აღნიშნა ოუენმა.

შეგახსენებთ, რომ ამ დროისთვის „მანჩესტერი“ 55 ქულით, პრემიერლიგის სატურნირო ცხრილის მესამე პოზიციაზეა.