ყველაზე ძვირად შეფასებული ფეხბურთელები | რომელ ადგილზეა ხვიჩა CIES-ის რეიტინგში

CIES საფეხბურთო ობსერვატორიამ ფეხბურთელთა სატრანსფერო ღირებულებები განაახლა და მსოფლიოს ტოპ 100 მოთამაშე დაასახელა. რეიტინგის პირველი ნომერი „ბარსელონას“ ფეხბურთელი, ლამინ იამალია, რომელიც CIES-ის სტატისტიკური მოდელის შეფასებით, 341.1 მილიონი ევრო ღირს.

მეორე ადგილზე „მანჩესტერ სიტის“ თავდამსხმელი, ერლინგ ჰოლანდი იმყოფება. მისი საბაზრო ღირებულება 255.1 მილიონი ევროა. მესამე ფეხბურთელი, რომლის ფასიც 200-მილიონიან ნიშნულს სცდება, კილიან მბაპეა — 201.3 მილიონი ევრო.

ტოპ 100-ში „პარი სენ-ჟერმენის“ ქართველი გარემარბი, ხვიჩა კვარაცხელია მოხვდა. „კვარა“ 35-ე პოზიციას იკავებს და CIES-ის მიხედვით, მისი ფასი 91 მილიონი ევროა. პსჟ-ში მასზე ძვირად დეზირე დუე (134.6 მილიონი) და ჟოაუ ნევეში (130.6 მილიონი) არიან შეფასებული.

CIES-ის ტოპ 10-ში, იამალის, ჰოლანდისა და მბაპეს გარდა, მოხვდნენ: ჯუდ ბელინგემი (153.1 მილიონი ევრო), მაიკლ ოლისე (136.9 მილიონი), ფლორიან ვირცი (135.8 მილიონი), დეზირე დუე (134.6 მილიონი), ჟოაუ ნევეში (130.6 მილიონი), არდა გიულერი (130.3 მილიონი) და პედრი (130 მილიონი).