18 საგოლე მოქმედება სეზონში | დავითაშვილის გამარჯვების გოლი დიუნკერკთან

საფრანგეთის ლიგა 2-ის 30-ე ტურში სენტ-ეტიენმა შინ დიუნკერკი 2:1 დაამარცხა. გამარჯვების გოლი ქართველი ფეხბურთელის, ზურიკო დავითაშვილის ანგარიშზეა, რომელმაც 66-ე წუთზე, როცა ანგარიში 1:1 იყო, მეკარეს დაბალ კუთხეში გაუტანა.

Sofascore-მა ზურიკოს უმაღლესი შეფასება - 10 დაუწერა, ამ მატჩში უმაღლესი შეფასება მხოლოდ მან მიიღო.

ლიგა 2-ის ბომბარდირთა დავაში ზურიკო 13 გოლით მეორე ადგილზეა, ლიდერ თაუფიკ ბენტაიებს 3 გოლით ჩამორჩება.

ლიგა 2-ის მიმდინარე სეზონში 26 მატჩში 13 გოლი გაიტანა და 4 საგოლე პასი შეასრულა. პლუს ერთი მატჩი საფრანგეთის თასზე და ნიცასთან გატანილი პენალტი. ასე რომ, საერთო ჯამში 27 მატჩში 18 საგოლე მოქმედება დააგროვა (14 გოლი და 4 საგოლე პასი).

სენტ-ეტიენმა 30 მატჩში 57 ქულა დააგროვა, მეორე ადგილზეა და ლიდერ ტრუას 1 ქულით ჩამორჩება, თუმცა ტრუამ ერთით ნაკლები, 29 მატჩი ჩაატარა, მიმდინარე ტურში ჯერ არ უთამაშია.