ევროპის ჩემპიონატზე ძიუდოისტთა ნაკრების შემადგენლობა ცნობილია
25-28 აპრილს, ხორვატიის დედაქალაქ ზაგრებში ძიუდოისტთა ევროპის ჩემპიონატი გაიმართება.
ტურნირზე, საქართველოს ნაკრები ოპტიმალური შემადგენლობით იასპარეზებს. ჩვენი გუნდის მწვრთნელებმა 15-კაციანი შემადგენლობა დაასახელეს, აქედან 9 მამაკაცი, 6 კი გოგონა ძიუდოისტია.
საქართველოს ნაკრების განაცხადი:
ვაჟები
- -66 კგ. - ვაჟა მარგველაშვილი.
- -73 კგ. - ლაშა შავდათუაშვილი, გიორგი ჩიხელიძე.
- -81 კგ. - ტატო გრიგალაშვილი.
- -90 კგ. - ლაშა ბექაური, გიორგი ჯაბნიაშილი.
- -100 კგ. - ილია სულამანიძე.
- +100 კგ. - გურამ თუშიშვილი, საბა ინანეიშვილი.
გოგონები
- -57 კგ. - ეთერ ლიპარტელიანი, ნინო ლოლაძე.
- -63 კგ. - ეთერ ასკილაშვილი.
- -70 კგ. - ნინო გულბანი, მარიამ ჭანტურია.
- +78 კგ. - სოფიო სომხიშვილი.
როგორც სიაში ვხედავთ, მწვრთნელების გადაწყვეტილებით, ვაჟებში, -60 კგ. წონით კატეგორიაში ჩვენს ქვეყანას წარმომადგენელი არ ეყოლება, ამან კი მწვრთნელებს წონის გაორების შესაძლებლობა დამატებით კიდევ ერთ კატეგორიაში მისცა. შესაბამისად, საქართველოს ნაკრები ორი ძიუდოისტით -73, -90 და +100 კილოგრამ წონით კატეგორიებში წარდგება.