რონალდუ თუ ბრუნო ? - შეეხო თუ არა კრიშტიანუ ბურთს
Aa Aa
29 ნოემბერი 2022  |  11:52

რონალდუ თუ ბრუნო ? - შეეხო თუ არა კრიშტიანუ ბურთს

კატარში მიმდინარე მუნდიალზე მეორე ტურის დასკვნით შეხვედრაში პორტუგალიამ ურუგვაი ანგარიშით 2:0 დაამარცხა.

ფერნარდუ სანტუშის გუნდი მთელი თამაშის განმავლობაში აკონტროლებდა სიტუაციას და დამსახურებულადაც გაიმარჯვა, ამაში ლომის წვლილი კი ბრუნო ფერნანდეშმა დაიდო, რომელმაც ურუგვაის კარში დუბლი შეასრულა.

პორტუგალიელთა გამარჯვებასთან ერთად მთელი სამყარო ვერ შეთანხმდა ერთ ფაქტზე - გაიტანა თუ არა რონალდუმ გოლი.

პირველი გოლის მომენტში ბრუნო კრიშტიანუ რონალდუს უკეთებდა გადაცემას და ამ უკანასკნელმაც თავით სცადა როჩეტის კარისკენ ბურთის გადაგზავნას. თავდაპირველად, გამოჩნდა, რომ კრიშტიანუ ბურთს შეეხო და გოლიც მას ჩაეწერა, თუმცა მოგვიანებით, გამეორებაზე დეტალურად ნახვის შემდეგ გოლი ბრუნო ფერნანდეშს ჩაეთვალა.

ფოტოკოლაჟის მეშვეობით ვეცადოთ გავარკვიოთ, რომელმა ფეხბურთელმა გახსნა ანგარიში :

თავიდან ყველას ეგონა,რომ კრიშტიანუ ბურთს შეეხო და ფიფამაც ტიტრში გოლის ავტორად რონალდუ დაწერა.

დავბრუნდეთ წამით ადრე და ვნახოთ რა როგორ იყო. საბოლოო დასკვნის გაკეთება ძალიან რთულია.

ამ ფოტოში ჩანს, რომ პორტუგალიელი ბურთს არ ეხება.

ამ მომენტში კი ჩანს რომ ის ბურთს ეხება და შესაძლებელია გოლი მისთვის ჩაეთვალათ.

გავრცელებული ინფორმაციით ფიფამ გადაწყვეტილება ამ სურათის ნახვის შემდეგ მიიღო.

2 ტურის შემდეგ პორტუგალია H ჯგუფის სატურნირო ცხრილში 6 ქულით პირველ ადგილს იკავებს და მომდევნო ეტაპზე თამაშიც განაღდებული აქვს. მეორე პოზიციაზე 3 ქულით განას ნაკრები იმყოფება, მესამე-მეოთხე ადგილებს კი სამხრეთ კორეისა და ურუგვაის ნაკრებები თითო-თითო ქულით ინაწილებენ.

დასკვნით ტურში პორტუგალიის ნაკრები სამხრეთ კორეას შეხვდება, ურუგვაი კი განას დაუპირისპირდება. ორივე შეხვედრა 2 დეკემბერს, საქართველოს დროით 19:00 საათზე გაიმართება.

მსგავსი სიახლეები

ეს გვერდი უკეთ ჩანს მობილურ აპლიკაციაში
ასევე დაგაინტერესებთ
ბრუნო ფერნანდეშის დუბლი - პორტუგალიამ ურუგვაი დაამარცხა
ბრუნო ფერნანდეშის დუბლი - პორტუგალიამ ურუგვაი დაამარცხა