სიტყვიერი შეთანხმება მიღწეულია - პოგბა იუვესთან კონტრაქტს ივლისში გააფორმებს
ფრანგი ფეხბურთელი, პოლ პოგბა კარიერას „იუვენტუსში“ გააგრძელებს. ფაბრიციო რომანოს ინფორმაციით, 29 წლის ნახევარმცველი იტალიაში დაბრუნდება და „ბებერ ქალბატონთან“ კონტრაქტს ივლისის დასაწყისში გააფორმებს.
პოგბას ორი ვარიანტი ჰქონდა და შეეძლო, „სიტი“ ან „იუვენტუსი“ აერჩია. გამომდინარე იქიდან, რომ მან კარიერის დიდი ნაწილი „მანჩესტერ იუნაიტედის“ რიგებში გაატარა, „ეტიჰად სთედიუმზე“ წასვლაზე უარი განაცხადა და „ბიანკონერიში“ ითამაშებს, სადაც თავის დროზე, დიდ წარმატებას მიაღწია.
რომანოს ინფორმაციით, „ბებერ ქალბატონსა“ და პოგბას შორის სიტყვიერი შეთანხმება უკვე შედგა. მხარეებმა საერთო ენა გამონახეს და საბოლოო დეტალებზე მსჯელობენ, რომელთა მოგვარების შემდეგაც, ოფიციალური განცხადება გავრცელდება.
Paul Pogba will sign his contract with Juventus at the beginning of July, the expectation into the club is now clear. Final details are being discussed but verbal agreement is in place for his return. ⚪️⚫️???????? #Juventus
— Fabrizio Romano (@FabrizioRomano) June 15, 2022
Pogba has turned down Man City approaches one month ago. pic.twitter.com/BlgR3ZWiRb
შეგახსენებთ, რომ პოლ პოგბამ ტურინული გრანდი 2016 წელს დატოვა. „მანჩესტერ იუნაიტედმა“ მასში 120 მილიონი ევრო გადაიხადა, თუმცა ფრანგი ნახევარმცველი ინგლისურ კლუბში ბედნიერი არასდროს ყოფილა. 29 წლის ფეხბურთელმა „წითელ ეშმაკებში“ 229 მატჩი ჩაატარა და 39 გოლი გაიტანა.
