ლაუდრუპი: "უეფას მათთვის თამაშის ნებართვა არ უნდა მიეცა"

ლეგენდარულმა მიქაელ ლაუდრუპმა უეფა გააკრიტიკა. ვეტერანი დანიელი ფეხბურთელის აზრით, კრისტიან ერიკსენის ინციდენტის შემდეგ მატჩი აღარ უნდა განახლებულიყო.

„უეფას მათთვის თამაშის ნებართვა არ უნდა მიეცა. როდესაც ეს ყველაფერი ხდება, მოთამაშეები თავიანთი ემოციების მწვერვალზე არიან. ასეთ შემთხვევებში მათ არ აქვთ მნიშვნელოვანი გადაწყვეტილებების მიღების შესაძლებლობა. უნდა არსებობდეს ადამიანი, ვინც ამბობს: „ჩვენ ახლა ამას ვაკეთებთ. და აქ ჩვენ გავჩერდებით“.

დანიის ფეხბურთელებს ჰქონდათ არჩევანი, მაგრამ მათ რეალურად ის ნამდვილად არ ჰქონიათ. ისინი ან დღეს ითამაშებენ, ან ხვალ თორმეტ საათზე - მაგრამ, ბოდიშით, მე ვფიქრობ მათ მსგავსი არჩევანი არ ჰქონიათ.

უკიდურესად ემოციურ სიტუაციასთან ასე ახლოს გადაწყვეტილების მიღება არასწორია. უეფას უნდა ეთქვა: „რა თქმა უნდა, ჩვენ დღეს არ ვითამაშებთ. შემდეგ ჩვენ რამდენიმე შესაძლებლობას ვიპოვით“.

შეგიძლიათ 50 წუთი ითამაშოთ მეორე დილით ან საღამოს. ან ზეგ. ან უბრალოდ დატოვე ანგარიში 0:0“. - ციტირებს ლაუდრუპის სიტყვებს TV3 +.

მის მსგავსად უეფას გადაწყვეტილებით უკმაყოფილო დარჩა დანიური ფეხბურთის კიდევ ერთი ლეგენდა პეტერ შმეიხელი: „ეს სასაცილო იყო. ამ გადაწყვეტილების გაგება არ შემიძლია“.

პროფესორი სანჯაი შარმა, რომელიც 2013-დან 2020 წლამდე „ტოტენჰემში“ ერიკსენისთვის კარდიოლოგიურ ტესტებს აკეთებდა, ფეხბურთელის გუშინდელ ინციდენტზე საუბრობს.

„იმ დღიდან მოყოლებული, როცა ერიკსენი გავიფორმეთ, მისი გადამოწმება ჩემი უშუალო მოვალეობა იყო. მას შემოწმებებს ყოველწლიურად ვუტარებდით. ასე რომ, მისი ტესტები 2019 წლამდე კარგად იყო. ეს ნამდვილად დარწმუნებით შემიძლია ვთქვა. გულის აშკარა უკმარისობა არ ყოფილა. ის გამოკვლევებს ყოველწლიურად იტარებდა. შემიძლია ამის თავდები ვიყო, რადგან ტესტებს მე ვატარებდი.

გავიფიქრე: „ღმერთო ჩემო! რამე ვერ შევამჩნიეთ?" მაგრამ შემდეგ ტესტების ყველა შედეგს გადავხედე. ისინი ყველა შესანიშნავია“.