ხარაიშვილის საგოლე გადაცემა - ქართველი ერთ-ერთი საუკეთესო იყო
შვედეთის ელიტარული საფეხბურთო ჩემპიონატის მე-10 ტურში ''გიოტებორგი'' საკუთარ მოედანზე 1:3 დამარცხდა ''დიურგარდენთან.'' ზედიზედ მეორე შეხვედრაში ''გიოტებორგის'' სასტარტოში მოხვდა ქართველი ფეხბურთელი გიორგი ხარაიშვილი. გასულ მატჩში ''ელფსბორგთან'' შესანიშნავი დარტყმით სადებიუტო გოლი გაიტანა, ''დიურგარდენთან'' კი საგოლე გადაცემა შეასრულა.
sofascore-ის ვერსიით ხარაიშვილი შეხვედრაში ერთ-ერთი საუკეთესო იყო. საქართველოს ეროვნული ნაკრების ნახევარმცველმა 7,8 ქულა მიიღო. ''გიოტებორგის'' მაისურით კარგი მატჩი ჩაატარა აშშ-ს ეროვნული ნაკრების ნახევარმცველმა მიქს დისკერუდმა. ამერიკელს 8,2 დაუწერეს.
75-ე წუთზე ხარაიშვილის შესრულებულ კუთხურს ტობიას ჰისენის თავური დარტყმა მოყვა და ''გიოტებორგმა'' ერთადერთი საპასუხო გოლი გაიტანა.
გიორგი ხარაიშვილის პირველი საგოლე პასი შვედეთში
ატმოსფერო ''გამლა ულევიზე'' ''გიოტებორგის'' გოლის შემდეგ
შვედეთის 16-გუნდიან ჩემპიონატში ''გიოტებორგი'' 13 ქულით მე-10 ადილზეა და 1 ქულით უსწრებს ''სუნდსვალს.'' შემდეგ ტურში 27 მაისს ''გიოტებორგი'' ''სუნდსვალს'' ესტუმრება.
იხილეთ ხარაიშვილის ინტერვიუ crystalsport-თან: ''უცხო გარემოში სრულიად მარტო ემოციურად ძალიან დავიტვირთე''