ომერ აშიქი გუნდს 3 კვირით გამოაკლდა
"ნიუ ორლეან პელიკანსის" ცენტრი ომერ აშიქი გარკვეული ვადით გამოვიდა მწყობრიდან მარჯვენა ფეხის დაზიანების გამო, - წერს კლუბის ოფიციალური ვებგვერდი. სავარაუდოდ, თურქი კალათბურთელი დაახლოებით სამი კვირა ვერ შეძლება თამაშს.
ასე რომ, აშიქმა, შესაძლოა, გამოტოვოს 2015-16 წლების სეზონის სტარტი. რეგულარული ჩემპიონატის პირველ მატჩს "ნიუ ორლეანი" 27 ოქტომბერს ჩაატარებს მოქმედი ჩემპიონის "გოლდენ სტეიტის" წინააღმდეგ.
შეგახსენებთ, რომ ადრე "ნიუ ორლეანმა" ასევე ტრავმის გამო დაკარგა ფრანგი ცენტრი, ალექსის აჟინკა.