ვენგერი მიდის
საფეხბურთო კლუბ ლონდონის ''არსენალის'' მთავარი მწვრთნელი არსენ ვენგერი ინგლისურ კლუბს სეზონის დასრულების შემდეგ დატოვებს. ფრანგმა მწვრთნელმა ჩრდილოლონდონური გუნდი 22-წლიანი მუშაობის შემდეგ დატოვა. ვენგერმა კლუბიდან წასვლის შესახებ ოფიციალური განცხადება გააკეთა.
"ხანგრძლივი ფიქრისა და კლუბთან მოლაპარაკებების შემდეგ გადავყწვიტე, რომ სეზონის ბოლოს მწვრთნელის თანამდებობა დავტოვო".
„მადლობელი ვარ, რომ ამდენი წლის განმავლობაში გუნდის გაწვრთნის საშუალება მომეცა. მუდამ ვცდილობდი, რომ დაკისრებული მოვალეობა სრულფასოვნად და პატიოსნად შემესრულებინა“.
„მინდა მადლობა გადავუხადო „არსენალის“ ფეხბურთელებს, მომუშავე პერსონალს, ხელმძღვანელობას და გულშემატკივრებს. მათ ჩემი კლუბში გატარებული დრო განსაკუთრებულ პერიოდად აქციეს“.
„მინდა ქომაგებს მოვუწოდო, რომ ყველაფერი გააკეთონ იმისათვის, რომ გუნდმა სეზონი მაღალ პოზიციაზე დაასრულოს.
დაბოლოს, მივმართავ ყველას ვისაც „არსენალი“ უყვარს, გაუფრთხილდით გუნდის ღირებულებებს!
„არსენალს ჩემი სიყვარული და მხარდაჭერა მუდამ ექნება!“
#MerciArsène pic.twitter.com/bjP0wLMgee
— Arsenal FC (@Arsenal) April 20, 2018
ვენგერის განცხადებას გუნდის მფლობელი სტენ კრონკეც გამოეხმაურა: „ჩემი სპორტში მოღვაწეობის მანძილზე ეს ერთ-ერთი ყველაზე რთული პერიოდია. "არსენალში" მოსვლის მთავარი მიზეზი, სწორედ ვენგერის პიროვნება და მისი როგორც მოედანზე ასევე მოედნის გარეთ, საქმიანობა იყო. არსენის გუნდში ყოფნის პერიოდი სტაბილურობითა და წარმატებულობით ხასიათდებოდა და ვფიქრობ, რომ ვენგერის მიღწევების განმეორება საკმაოდ რთული იქნება.
„ყველას, ვისაც "არსენალი" და ფეხბურთი უყვარს მისი მადლიერები უნდა იყვნენ. მარცხის გარეშე მოგებული "პრემიერლიგა", შვიდჯერ მოპოვებული "ასოციაციის თასი", 20 წარმატებული წელი "ჩემპიონთა ლიგაზე" და "პრემიერლიგის" სამი ტიტული. ეს ბრწყინვალე შედეგია! ვენგერმა გუნდის იდენტობა შეცვალა და ინგლისურ ფეხბურთს თამაშის საკუთარი ხედვა გააცნო.
„გვჯერა, რომ არსენის „არსენალში“ მოღვაწეობის პერიოდი წარმატებული მომავლის საწინდარი გახდება და მისი გაწეული სამუშაოს წყალობით გუნდი მალევე ადგილს ევროპის საუკეთესო კლუბებს შორის დაიმკვიდრებს“.
„ყველანაირად უნდა ვეცადოთ, რომ სეზონი დადებით ნოტაზე დავასრულოთ. აქვე მინდა ჩვენს გულშემატკივრებს, რომლებიც მთელი მსოფლიოს მასშტაბით გვყავს, მოვუწოდო, რომ ვენგერს სათანადო გაცილება მოუწყონ. იგი არამარტო „არსენალის“ არამედ მსოფლიოს ერთ-ერთი საუკეთესო მწვრთნელია“.
#MerciArsène pic.twitter.com/h3XAQvr2pw
— Arsenal FC (@Arsenal) April 20, 2018
არსენ ვენგერი 1996 წლიდან წვრთნიდა “არსენალს.’’ ამ პერიოდში კლუბმა სამჯერ მოიგო პრემიერლიგა (1997-98, 2001-02, 2003-04). 2006 წელს “არსენალი’’ ჩემპიონთა ლიგის ფინალში გავიდა, სადაც “ბარსელონასთან’’ დამარცხდა.
#MerciArsène pic.twitter.com/7wqOwveCfz
— Arsenal FC (@Arsenal) April 20, 2018
ვიეირა შესაძლოა ''არსენალში'' დაბრუნდეს - ვენგერის სავარაუდო შემცვლელთა სია გაიზარდა
არსენ ვენგერის ხუთი სავარაუდო შემცვლელი