სერენა უილიამსმა უფროსი და დაამარცხა
დღეს გამთენიისას, „ამერიკის ღია პირველობის“ კორტებზე მეტად საინტერესო მეოთხედფინალური მატჩი გაიმართა.
სერენა უილიამსმა თავის უფროს დას, ვენუს უილიამსს სამ სეტში 6:2, 1:6, 6:3 მოუგო. შეხვედრა საათსა და 41 წუთს გაგრძელდა. სერენას 12 ეისი და 5 ორმაგი შეცდომა ჰქონდა, ვენუსს 8 ეისი და ერთი ორმაგი შეცდომა. სერენას და ვენუსს შორის ურთიერთშეხვედრების სტატისტიკა შემდეგნაირად გამოიყურება,16-11 სერენას სასარგებლოდ. უმცროსი უილიამსი ნახევარფინალში იტალიელ რობერტა ვინჩს დაუპირისპირდება, რომელსაც სერენა ურთიერთშეხვედრებში 5:0 ამარცხებს.