„ჩემზე ამბობდნენ, რომ რეიტინგშიც ვერ მოვხვდებოდი“ - პიმბლეტი გეიჯის დაფინიშებას გეგმავს
დენა უაითისა და ილია თოფურიას მიერ მიღებული გადაწყვეტილებებიდან გამომდინარე, UFC-ის მსუბუქი წონითი დივიზიონის დროებითი ჩემპიონის ტიტულისთვის 24 იანვარს, ჯასტინ გეიჯი და პედი პიმბლეტი იბრძოლებენ, მათი გამარჯვებული კი სავარაუდოდ გვიან გაზაფხულზე, ან ზაფხულში „ელ მატადორს“ დაუპირისპირდება. ბრძოლასთან დაკავშირებით უამრავი კომენტარი გაკეთდა, თავად შეხვედრის მონაწილეებისგან კი ასეთი შეფასებები მოვისმინეთ.
პედი პიმბლეტი
ვიცი ხალხი საუბრობს, რომ ეს მხოლოდ და მხოლოდ დროებითი ქამარია, მაგრამ დროებითი ქამარიც ქამარია. სულ ცოტა ხნის წინ ხალხი საუბრობდა, რომ რეიტინგშიც ვერ მოვხვდებოდი, თუმცა ბრძოლიდან ბრძოლამდე თამასა მაღლა ავწიე. უკვე წინასწარი ვიცი, რას იტყვიან ჩემი კრიტიკოსები, როდესაც გეიჯის დავაფინიშებ, რომ ჯასტინი უკვე 37 წლისაა და მისი დამარცხება დიდ სირთულეებთან არ იყო დაკავშირებული, მაგრამ მერწმუნეთ 2026 ჩემს კარიერაში საუკეთესო წელი იქნება.
ჯასტინ გეიჯი
წინ საოცარი თავგადასავალი მელის. მადლიერი ვარ, რომ UFC-სთან და Paramount-თან თანამშრომლობის შესაძლებლობა მომეცა. პიმბლეტი იდეალურია ოპონენტია საიმისოდ, რომ დაუვიწყარი ღამე მოვაწყოთ. ჩხუბისთვის ძალიან კარგად მოვემზადები და კიდევ ერთხელ დავამტკიცებ, რომ ჩემი თაობის ერთ-ერთი საუკეთესო მებრძოლი ვარ.
შეგახსენებთ, რომ პედი პიმბლეტი ბოლოს ოქტაგონში 12 აპრილს შევიდა და მაიკლ ჩენდლერი დააფინიშა, ხოლო ჯასტინ გეიჯმა 8 მარტს რაფაელ ფიზიევს მსაჯების ერთსულოვანი გადაწყვეტილებით მოუგო.
