რაულ გარსია „ატლეტიკოს“ ტოვებს
მადრიდის „ატლეტიკოს“ ნახევარმცველი რაულ გარსია კარიერას ბილბაოს „ატლეტიკში“ გააგრძელებს.
ბასკები მადრიდელებს 29 წლის მოთამაშის ტრანსფერის შესახებ უკვე შეუთანხმდნენ. დღეს გარსია სამედიცინო შემოწმებას გაივლის, რის შემდეგაც კონტრაქტის ოფიციალურად გააფორმებს.
შეგახსენებთ, რომ „ატლეტიკოს“ ღირსებას გარსია რვა წლის განმავლობაში იცავდა.
