ლორენტე კარიერას „სევილიაში“ გააგრძელებს
ტურინის „იუვენტუსის“ თავდამსხმელი, ფერნანდო ლორენტე კარიერას სამშობლოში გააგრძელებს. როგორც „Marca“ იტყობინება, ფეხბურთელი უახლოეს დღეებში „სევილიასთან“ საიჯარო ხელშეკრულებას გააფორმებს, სეზონის ბოლოს კი ანდალუსიელებს თავდამსხმელის გამოსყიდვის უფლება ექნებათ. მხარეებმა უკვე ყველა დეტალი შეათანხმეს და ტრანსფერიც უახლოეს საათებში დადასტურდება.
შეგახსენებთ, რომ გასულ სეზონში ლორენტემ „იუვენტუსის“ მაისურით 31 მატჩი ჩაატარა და 7 გოლის გატანა მოახერხა.
