Aa
Aa

"მანჩესტერი", თუ "ლივერპული"? - პულიშიჩისთვის ბრძოლა დაიწყო

Independent-ის ინფორმაციით, "მანჩესტერ იუნაიტედი" და "ლივერპული" "დორტმუნდის" ახალგაზრდა ამერიკელი გარემარბის კრისტიან პულიშიჩის გადასაბირებლად იბრძვიან.

"მერსისაიდელები" ფელიპე კოუტინიოს წასვლის შემდეგ, შემადგენლობის გაძლიერებას ცდილობენ და პულიშიჩი მათ სიაში ერთ-ერთი მოწინავეა.

რაც შეეხება "იუნაიტედს", ჟოზე მოურინიოს ფლანგების გაძლიერება სურს და ლუკას მოურასთან ერთად, მის სიაში პულიშიჩიც იმყოფება.

იურგენ კლოპს თავისი ყოფილი შეგირდის კვლავ მის განკარგულებაში ხილვა სურს, თუმცა ამისთვის "წითელი ეშმაკების" ბარიერის გადალახვა მოუწევს.

შეგახსენებთ, რომ 19 წლის პულიშიჩი "დორტმუნდის" პირველ გუნდში 2016 წლიდან თამაშობს. მის ანგარიშზე 78 შეხვედრაში 11 გოლი და 14 შედეგიანი გადაცემაა.

მსგავსი სიახლეები

ცხელი ამბები