დი მარია: „პარი სენ ჟერმენისთვის“ ყველაფერს გავაკეთებ
დი მარიამ ადასტურებს, რომ ტოვებს „მანჩესტერ იუნაიტედს“. არგენტინელმა დოჰაში უკვე გაიარა სამედიცინო შემოწმება და კონტრაქტზე ხელმოწერისთვის ემზადება, რომელიც ოთხ წელზე იქნება გათვლილი.
„ჩემს კარიერაში მომხდარი ცვლილების გამო მოხარული ვარ. „პარი სენ ჟერმენი“ საფრანგეთის საუკეთესო კლუბია და შიდა არენებზე მათ ყველა ტურნირი მოიგეს. ასევე ვიცი მათი ევროპული ამბიციების შესახებ. ყველაფერს გავაკეთებ „პსჟ“-ს წარმატებისთვის. პირველ რიგში, ეს „ჩემპიონთა ლიგას“ ეხება, სადაც მეოთხედფინალური ბარიერი უნდა გადავლახოთ“ - განაცხადა ანხელ დი მარიამ.
