იბრაჰიმოვიჩმა შესაძლოა საფრანგეთის ჩემპიონატის სტარტი გამოტოვოს
ზლატან იბრაჰიმოვიჩმა შესაძლოა „ლიგა 1“-ის სეზონის დასაწყისი გამოტოვოს. „პსჟ“-ს თავდამსხმელმა საფრანგეთის სუპერთასის შეხვედრაში მუხლის ტრამვა მიიღო.
პარიზული კლუბის მთავარმა მწვრთნელმა ლორან ბლანმა, ამ დანაკარგს „ძალიან არასასიამოვნო“ უწოდა. საფრანგეთის ჩემპიონატი სტარტს ამ კვირის ბოლოს იღებს.
შეგახსენებთ, რომ საფრანგეთის სუპერთასის შეხვედრაში, რომელიც მონრეალში გაიმართა, „პარი სენ ჟერმენმა“ „ლიონი“ 2:0 დაამარცხა.