სავიჩი „ატლეტიკოში“ გადავა
24 წლის ჩერნოგორიელი ცენტრალური მცველი სტეფან სავიჩი კარიერას ესპანეთის ჩემპიონატში გააგრძელებს.
როგორც იტალიური გამოცემა „La Gazzetta dello Sport" იტყობინება, მადრიდის „ატლეტიკომ“ სავიჩის ტრანსფერის თაობაზე, იტალიურ „ფიორენტინასთან“ შეთანხმებას მიაღწია. 24 წლის პერსპექტიული მცველის სანაცვლოდ, "როხიბლანკო" 12 მილიონ ევროს გადაიხდის თავის მხრივ, არ არის გამორიცხული, რომ ესპანელი საყრდენი ნახევარმცველი, მარიო სუარესი იჯარით „არტემიო ფრანკიზე“ გადაბარგდეს.
ხვალ, სავიჩი სამედიცინო შემოწმებას გაივლის და გააფორმებს კონტრაქტს, რომლის პირობებიც ჯერჯერობით უცნობია.