უნიკალური ფაქტი ლა ლიგაში!
ლა ლიგის მე-8 ტურის ყველაზე უხვგოლიანი შეხვედრა სევილიაში შედგა, სადაც "ბენიტო ვილამარინზე" "ბეტისმა" "ვალენსიას" უმასპინძლა და 3-6 დამარცხდა.
მიუხედავად იმისა, რომ მატჩში 9 გოლი გავიდა, მასპინძლებმა 0-4-დან 3-4-მდე შეამცირეს სხვაობა, გამოსარჩევი მაინც სხვა რამ იყო.
ლა ლიგის ისტორიაში პირველად დაფიქსირდა, რომ გუნდების მიერ გატანილი 9 გოლიდან ყველა მათგანის ავტორი სხვადასხვა ფეხბურთელი გახდა.
ძალიან რთული წარმოსადგენია, რომ ეს ფაქტი უახლოეს მომავალში კიდევ განმეორდეს.
საწყისი რვა ტურის შემდეგ, მარსელინიო გარსიას "ღამურები" მე-2 პოზიციაზე იმყოფებიან და ლიდერ "ბარსელონას" 4 ქულით ჩამორჩებიან.
რაც შეეხება "ბეტისს", კიკე სეტიენის გუნდი 13 ქულით მე-9 პოზიციაზეა.