"ბარსა"-"იუვეს" დამირ სკომინა იმსაჯებს
„ჩემპიონთა ლიგის“ პირველი ტურის მთავარი მატჩი „ნოუ კამპზე“ ჩატარდება, სადაც „ბარსელონა“ და „იუვენტუსი“ დაუპირისპირდებიან.
„უეფამ“ ამ შეხვედრის არბიტრად დამირ სკომინა მიავლინა, რომელიც ბოლო წლებში ერთ-ერთი გამორჩეული ევროპელი რეფერია.
41 წლის სკომინამ მაისში „ევროპა ლიგის“ ფინალური მატჩი იმსაჯა.
„ბარსელონა“ და „იუვენტუსი“ სამშაბათს, 12 სექტემბერს, 22:45 საათზე ითამაშებენ.
