VIDEO - საქართველომ ევრობასკეტის მორიგი ფავორიტი დაამარცხა!
ევრობასკეტისთვის მოსამზადებელი ამხანაგური ტურნირის აკროპოლისის თასის პირველ შეხვედრაში, საქართველოს კალათბურთელთა ეროვნულმა ნაკრებმა ერთ-ერთ უმთავრეს ფავორიტს საბერძნეთს 72-71 სძლია.
პირველი ტაიმის 37:33 დათმობის შემდეგ, მეორე ნახევარი გარდამავალი უპირატესობით წარიმართა. მატჩის კულმინაცია შეხვედრის დასრულებამდე 17 წამით ადრე იყო, როცა საქართველოს ნაკრები გიორგი ცინცაძის სამქულიანით 72:71 დაწინაურდა, რის შემდეგაც ბერძნებმა შედეგიანად ვეღარ შეუტიეს და დამარცხდნენ კიდეც.
შეგახსენებთ, რომ აკროპოლისის თასზე მონაწილეობას საქართველოს, საბერძნეთის, სერბეთისა და იტალიის ნაკრებები იღებენ. მომდევნო მატჩს საქართველოს ნაკრები 24 აგვისტოს, სერბეთთან გამართავს.
