დი მარია ბარსელონაში გადასვლასთან ახლოსაა
სატრანსფერო ფანჯრის დახურვამდე 1 კვირით ადრე, "ბარსელონა" ერთდროულად რამდენიმე ფრონტზე გააქტიურდა.
ესპანური Sport-ის მიერ დღეს გავრცელებული ინფორმაციის თანახმად, "ბლაუგრანამ" ანხელ დი მარიასთან შეთანხმებას მიაღწია.
წყაროს მტკიცებით, არგენტინელ ფეხბურთელის აგენტთან უკვე ყველა დეტალი დაზუსტებულია.
რაც შეეხება "პსჟ"-ს, პარიზელები 50 მილიონი ევროს სანაცვლოდ გარიგებაზე თანხმობას განაცხადებენ.
"ბარსა" ამ თანხის გადახდაზე თანახმაა და როგორც ჩანს, ტრანსფერი მალე დადასტურდება.
Sport-ი ასევე იმასაც წერს, რომ კატალონიელები "დორტმუნდთან" დემბელეს თაობაზე გარიგების ბოლო დეტალებს ათანხმებენ და 20 წლის ფრანგი გარემარბი, უახლოეს დღეებში ლურჯ-ბროწეულისფერ მაისურს მოირგებს.