ტორპედომ ალბანელი ნახევარმცველი დაიმატა
ქუთაისის „ტორპედომ“ ალბანელი ნახევარმცველი, არდიტ ტოლი დაიმატა. ინფორმაცია კლუბმა სოციალურ ქსელში გაავრცელა.
25 წლის ალბანელი ფეხბურთელი ქუთაისურ გუნდს უახლოეს დღეებში, თურქულ შეკრებაზე შეუერთდება.
არდიტ ტოლი გასულ სეზონში უკრაინის უმაღლესი ლიგის გუნდ „ვორსკლას“ ღირსებაც იცავდა. მანამდე კი ბერძნული „კალამატას“, „ოლიმპიაკოსისა“ და ალბანური „ტირანას“ შემადგენლობაში გამოდიოდა.
