სერხიო რამოსი
Aa
Aa

რამოსი შესაძლოა ნაკრებში დააბრუნონ - თან კაპიტნად

სერხიო რამოსი შესაძლოა ესპანეთის ნაკრებში დაბრუნდეს.

As-ის ცნობით, ეროვნული ნაკრების მთავარი მწვრთნელი ლუის დე ლა ფუენტე პსჟ-ს მცველთან პოტენციურ კაპიტნებთან შეხვედრების ფარგლებში ისაუბრებს, რომელსაც დე ლა ფუენტე ეროვნული ნაკრების ყველაზე გამოცდილ ფეხბურთელებთან მართავს.

რამოსი, რომელსაც ნაკრებში ყველაზე მეტი მატჩი აქვს (180), შესაძლოა მარტის ბოლოს ევრო 2024-ის საკვალიფიკაციო ეტაპის მატჩებში ნორვეგიისა და შოტლანდიის წინააღმდეგ გამოიძახონ, მაგრამ ეს დამოკიდებული იქნება იმაზე, თუ როგორ ითამაშებს ის უახლოეს კვირებში.

თუ სერხიო მომავალ მატჩებში ესპანეთის ნაკრების განაცხადში ვერ მოხვდება, კაპიტნობის კანდიდატები ხორდი ალბა (91 მატჩი), კოკე (70), ალვარო მორატა (61) და სეზარ ასპილიკუეტა (44) იქნებიან.

რამოსმა ესპანეთის ნაკრების ბოლო მატჩი თითქმის ორი წლის წინ შედგა. 2021 წლის მარტში მან მონაწილეობა მიიღო 2022 წლის მსოფლიო ჩემპიონატის შესარჩევი ეტაპის შეხვედრაში კოსოვოს წინააღმდეგ (3:1). 36 წლის მცველი კატარში 2022 წლის მსოფლიო ჩემპიონატზე განაცხადს მიღმა დარჩა.

რამოსმა მიმდინარე სეზონში პსჟ-ს რიგებში ყველა ტურნირზე 26 მატჩი ჩაატარა, 1 გოლი გაიტანა და 1 საგოლე გადაცემა გააკეთა.

მსგავსი სიახლეები

ცხელი ამბები
ასევე დაგაინტერესებთ
UEFA-მ ცვლილებები დაამტკიცა: ერთა ლიგას 1/4-ფინალები დაემატება
UEFA-მ ცვლილებები დაამტკიცა: ერთა ლიგას 1/4-ფინალები დაემატება