„მესი უკეთესი ფეხბურთელია“ - აბუბაქარი ალ-ნასრიდან გაშვების შემდეგ
ვეტერანი პორგუგალიელი თავდამსხმელი, კრიშტიანუ რონალდუ „ალ-ნასრში“ ოფიციალურად დარეგისტრირდა.
უკვე ოფიციალურად გახდა ცნობილი, რომ კლუბმა 37 წლის ფეხბურთელის დასარეგისტრირებლად გუნდიდან კამერუნელი შემტევი, ვინსენტ აბუბაქარი გაუშვა. „ალ-ნასრს“ ლეგიონერების ლიმიტის გამო სხვა ვარიანტი არ ჰქონდა.
კონტრაქტის გაწყვეტის შემდეგ, აბუბაქარმა პირველი კომენტარი გააკეთა, რომელშიც იგრძნობა, რომ კამერუნელი ფეხბურთელი ძალიან ნაწყენია.
რას ამბობს აბუბაქარი:
ყოველთვის მეგონა, რომ მესი რონალდუზე უკეთესი იყო და რონალდუსთან ერთად პირველი ვარჯიშის შემდეგ მივხვდი, რომ მართალი ვიყავი.
შეგახსენებთ, რომ ლეგიონერების ლიმიტის გამო რონალდუმ უკვე გამოტოვა „ალ-ნასრის“ ერთი თამაში. ახლა კი ფეხბურთელის დებიუტი უახლოეს ტურში არის მოსალოდნელი.
შეგახსენებთ, რომ რონალდუმ საუდის არაბეთის კლუბ „ალ-ნასრთან“ 2.5-წლიანი კონტრაქტი გააფორმა, ანაზღაურების სახით კი ერთ სეზონში 200 მილიონ დოლარს მიიღებს.