"მილანს" იბრა და ფალკაო უნდა
„მილანის“ ვიცე-პრეზიდენტ მარკო ფასონეს განცხადებით, კლუბს სატრანსფერო ფანჯრის ბოლომდე კიდევ 6-7 სამიზნე ჰყავს.
ფასონემ Sky Sport Italia-სთან საუბრისას მიანიშნა, რომ ამ სიაში რადამელ ფალკაო და ზლატან იბრაჰიმოვიჩიც არიან.
„როსონერის“ აუცილებელი პრიორიტეტი მინიმუმ 1 ცენტრფორვარდის დამატებაა. ვარიანტები კი, ნახსენებ ვარსკვლავთა გარდა, პიერ-ემერიკ ობამეიანგი, ანდრეა ბელოტი, დიეგო კოშტა და ნიკოლა კალინიჩი არიან.
კიდევ ერთი ფეხბურთელი, რომლის ტრანსფერზეც „შავ-წითლები“ აქტიურ მოლაპარაკებებს აგრძელებენ, „ბაიერნის“ ტალანტი რენატო სანჩესია.