მანეს ტრავმა უფრო მძიმე გამოდგა - 3-4 თვეს გამოტოვებს
სადიო მანემ ტრავმის გამო შესაძლოა რამდენიმე თვე გამოტოვოს. საუბარია 4-თვიან უქმობაზე.
სენეგალელ შემტევს საბოლოო გამოკვლევის შედეგად დაასკვნეს, რომ მსოფლიო ჩემპიონატზე თამაშს ვერ შეძლებდა. ამჯერად კი სადიოსთვის პროგნოზი კიდევ უფრო დამძიმდა.
დაზიანების შემდეგ, მანეს ოპერაცია ჩაუტარდა. Sport1.de-ს ცნობით, სენეგალელს 3-დან 4 თვემდე გაუცდება, რაც ავტომატურად ნიშნავს იმას, რომ ის ჩემპიონთა ლიგაზე „ბაიერნი“ პსჟ-ს მერვედფინალური დაპირისპირების პირველ შეხვედრას გამოტოვებს.
პსჟ-სთან პირველი შეხვედრა პარიზში 15 თებერვალს გაიმართება, განმეორებითი კი 9 მარტს მიუნხენში.
წყაროს ცნობით, მანეს სურს ყველაფერი გააკეთოს იმისათვის, რომ პსჟ-სთან მატჩისთვის მზად იყოს.
აღნიშნულია, რომ იულიან ნაგელსმანს და კლუბის ხელმძღვანელობას სადიოს ტრავმისგან სრულად აღდგენა სურთ. კლუბი არ აპირებს მისი გამოჯანმრთელების დაჩქარებას და გარისკვას, მხოლოდ იმიტომ, რომ პსჟ-სთან მატჩისთვის იგი მზად იყოს.