საკვალიფიკაციო ეტაპი - საქართველოს 17-წლამდე ნაკრები ისრაელთან დამარცხდა
სტარტი აიღო ევროპის 17-წლამდე ჩემპიონატის საკვალიფიკაციო ეტაპმა, სადაც საქართველომ რუსთავში ისრაელის ეროვნულ ნაკრებს უმასპინძლა და სამწუხაროდ 1:3 დამარცხდა.
გიორგი ხიზანიშვილმა მინდორზე შემდეგი თერთმეტეული გამოიყვანა:
სოსო კოპალიანი, გიორგი გოგიტაშვილი, გიორგი ნიკოლაიშვილი, დავით ქელდიშვილი, ალექსანდრე ამისულაშვილი, გიგი გოგია, დათა ინაიშვილი, ლექსო ფეიქრიშვილი, საბა გეგუჩაძე, ალექსანდრე თურქია, ლუკა ბუბუტეიშვილი.
პირველ ტაიმში მომენტები ორივე გუნდს ჰქონდა. ანგარიში მე-17 წუთზე სარსურმა გახსნა, რასაც 25-ე წუთზე ალექსანდრე თურქიამ უპასუხა და წონასწორობა აღადგინა. ტაიმის მიწურულს, იდო ოლიმ გაისროლა და შესვენებაზე ისრაელი კომფორტული უპირატესობით გავიდა.
მეორე ტაიმში, სტუმრებმა შედარებით მეტი უპირატესობა მოიპოვეს და კიდევ ერთხელ გაიტანეს. 83-ე წუთზე რანონმა საბოლოო შედეგი 3:1 დააფიქსირა. ხიზანიშვილის შეგირდები ბევრს ეცადნენ, თუმცა მატჩს გადარჩენა ვერ შეძლეს.
შეგახსენებთ, რომ ჯგუფში ისრაელის გარდა საქართველო ინგლისს და ლიეტუვას დაუპირისპირდა. ცნობისთვის, ამ მატჩს პარალელურად ინგლისმა ლიეტუვას 3:1 მოუგო. მომავალ მატჩს საქართველო 28 ოქტომბერს ინგლისის წინააღმდეგ გამართავს.
თურქიას გოლი