ლეივა "ლაციოში" გადავიდა

ინგლისური „ლივერპულის“ რიგებში გატარებული 10 სეზონის შემდეგ, ლუკას ლეივა იტალიის გზას დაადგა და რომის „ლაციოს“ მაისურს მოირგებს.

ლივერპულელები მის სანაცვლოდ 6.5 მილიონ ევროს მიიღებენ.

გარიგებაზე მუშაობა ბოლო კვირებში აქტიურად მიმდინარეობდა და საბოლოოდ, მხარეებმა ტრანსფერი დახურულად გამოაცხადეს.

30 წლის ლეივა „ლივერპულში“ 2007 წელს ბრაზილიური „გრემიოდან“ მივიდა. მან მერსისაიდელთა რიგებში 346 მატჩი ჩაატარა.