მსოფლიო ჩემპიონატი: გენო პეტრიაშვილი ნახევარფინალში დამარცხდა
სერბეთის დედაქალაქ ბელგრადში თავისუფალი სტილით მოჭიდავეთა შორის მსოფლიო ჩემპიონატზე დღეს საჭიდაო ხალიჩაზე 4 ქართველი ფალავანი გამოვიდა, თუმცა ფინალში გასვლა ვერცერთმა მოახერხა.
თავდაპირველად 70კგ კატეგორიაში ზურაბ იაკობიშვილმა ნახევარფინალი უშანსოდ დათმო და ამერიკელ ზაინ ალენ რეზერფორდთან 0:7 დამარცხდა.
125 კგ კატეგორიაში კი გენო პეტრიაშვილი მონღოლ ლხაგვაგერელ მუნხტურს დაუპირისპირდა, ფავორიტადაც ითვლებოდა, თუმცა ბრძოლა მონღოლის გამარჯვებით 4:2 დასრულდა.
შეგახსენებთ, რომ კიდევ ორი მოჭიდავე - ტარზან მაისურაძე (86) და ვლადიმერ გამყრელიძე (79) დამარცხდნენ და გააგრძელებენ, თუ არა ასპარეზობას რეპეშაჟში, ეს მოგვიანებით გახდება ცნობილი.